મંજુસરમાં યુવાનના ગળા પર ચપ્પુના ઘા મારી હત્યાનો પ્રયાસ

Image Source: Freepik

વડોદરા, તા. 18 ફેબ્રુઆરી 2024, રવિવાર

સાવલી તાલુકાના મંજુસર ગામમાં કુનપડરોડ પર રહેતા રાજુ લક્ષ્મણ લુહારને બે અજાણ્યા ઈસમોએ રોકીને અપશબ્દો બોલી એક યુવાને રાજુને પકડી રાખ્યો હતો અને બીજા યુવાને ચપ્પાના ઘા ગળામાં મારીને મારી નાખવાની ધમકી આપી હતી. રાજુની હત્યાનો પ્રયાસ કર્યા બાદ બંને હુમલાખોરો ફરાર થઈ ગયા હતા ઇજાગ્રસ્ત રાજુને સારવાર માટે હોસ્પિટલમાં ખસેડ્યો હતો જ્યાં મંજુસર પોલીસે ઇજાગ્રસ્તની પત્ની ગીતાબેનની ફરિયાદના આધારે હત્યાનો પ્રયાસ કરી ભાગી ગયેલા બંને અજાણ્યા શખ્સોની શોધખોળ હાથ ધરી છે.