જામનગર જિલ્લાના ભેજનું પ્રમાણ ઘટતાંની સાથે જ ઠંડીનો ચમકારો વધ્યો : તાપમાન 13.8 ડીગ્રી

Jamnagar Winter Season : જામનગર શહેર અને જિલ્લામાં આજે સવારથી એકાએક ભેજના પ્રમાણમાં ઘટાડો નોંધાયો છે, જેની સાથે સાથે ઠંડીનો ચમકારો વધ્યો છે. ઠંડીનો પારો 13.8 ડીગ્રી એ સ્થિર થયો છે. અને વાતાવરણમાં શીત લહેર પ્રસરી ગઈ છે.

 ભેજ યુક્ત વાતાવરણમાંથી મુક્તિ મળતાની સાથે જ આજે વહેલી સવારથી પ્રતિ કલાકના 30થી 35 કિમી ની ઝડપે ફૂંકાઈ રહેલા ઠંડા પવને શહેરીજનો અને પશુ પક્ષીઓને ધ્રુજાવ્યા છે.

 જામનગર જિલ્લા કલેકટર કચેરીના કંટ્રોલરૂમના જણાવ્યા અનુસાર આજે સવારે 8.00 વાગ્યે પુરા થતા 24 કલાક દરમિયાન લઘુતમ તાપમાન 13.8 ડિગ્રી સેન્ટિગ્રેડ, જ્યારે મહત્તમ તાપમાન 25.6 ડિગ્રી સેન્ટિગ્રેડ નોંધાયું છે. વાતાવરણમાં ભેજનું પ્રમાણ 53 ટકા રહ્યું છે, જ્યારે પવનની ગતિ સરેરાશ પ્રતિ કલાક 30 થી 35 કિ.મી ની ઝડપે રહી હતી.