સમતા વિસ્તારમાં ગાંજો વેચતો આરોપી ઝડપાયો

વડોદરા,સમતા વિસ્તારમાં ગાંજો વેચતા આરોપીને લક્ષ્મીપુરા પોલીસે ઝડપી પાડયો છે. જ્યારે સુરતના સપ્લાયરની શોધખોળ હાથ ધરી છે.

સમતા કૃણાલ ચાર રસ્તા પાસે કાપડ બજારના પાર્કિંગમાં મોહિત નામનો યુવક ગાંજો વેચી રહ્યો છે. જેથી, લક્ષ્મીપુરા પોલીસ સ્ટેશનના પી.આઇ. એમ.ડી. ચૌધરીની સૂચના મુજબ, સ્ટાફે ઉપરોક્ત સ્થળે જઇને તપાસ કરતા મોહિત હિતેન્દ્રભાઇ ખેતલા (રહે. શારદા  પાર્ક સોસાયટી, વારસિયા રીંગ રોડ) મળી આવ્યો હતો. મોહિતે ખભે રાખેલ પટ્ટાવાળા પર્સમાં જોતા નાની સાઇઝના ૨૫ પેકેટ મળી આવ્યા હતા.  જેમાં ગાંજાનો જથ્થો હતો. પોલીસે તેની પૂછપરછ કરતા તેણે જણાવ્યું હતું કે,સુરત લિમ્બાયત મીઠ્ઠી ખાડી ખાતેથી અંદાજે  ૬૦ વર્ષના  ચાચા પાસેથી લાવ્યો છું. પોલીસે તેની પાસેથી ૧૨૫.૧૨ ગ્રામ ગાંજો કિંમત રૃપિયા ૧,૨૫૦ નો કબજે કર્યો છે.પોલીસે આરોપી પાસેથી ગાંજો, રોકડા, મોબાઇલ ફોન મળી કુલ રૃપિયા ૧૩,૧૫૦ નો મુદ્દામાલ કબજે કર્યો છે.