ભાયલીમાં ટીપી સ્કીમ થઈ ગયા પછી પણ રસ્તા ખુલ્લા નહીં કરાતા વિવાદ થતાં કોર્પોરેશનને રસ્તા ખુલ્લા કર્યા

વડોદરા, તા. 12 ડિસેમ્બર 2023, મંગળવાર

વડોદરા શહેરના ભાયલી વિસ્તારમાં ટીપી રોડ બન્યા બાદ અહીં રોડ કપાતમાં આવેલ ફેન્સીંગ, વાડ, ઓરડી, ક્લબ હાઉસ, કમ્પાઉન્ડ વોલ દૂર કરાતા અંદાજે 25000 ચોરસ ફુટ જગ્યા ખુલ્લી કરવામાં આવી હતી. 

શહેરના ભાયલી વિસ્તારમાં ગોકુલપુરાથી રાયપુરા જતા રોડ પર ફ્યુઝીન રેસીડેન્સી તરફના માર્ગે ટીપી પાડવામાં આવ્યા બાદ અહીંના 24 મીટરના રોડ પર કેટલીક જગ્યા ખુલ્લી કરવી પડે તેમ હતી. જેથી અહીંના પોણો કિલોમીટરના રોડ પર ફેન્સીંગ, વાડ, ઓરડી, ક્લબ હાઉસ, કમ્પાઉન્ડ વોલ વગેરે દૂર કરવા સ્થાનિક લોકોને જાણ કરાઈ હતી. પરંતુ તે યથાવત રહેતા ગઈકાલે પાલિકાની દબાણ શાખાએ પોલીસ બંદોબસ્ત લીધા વિના આ તમામ દબાણ દૂર કર્યા હતા અને ટીપી રોડ ખુલ્લો કર્યો હતો.