વડોદરાની સગીરાનું અપહરણ કરનાર યુપીનો આરોપી 9 વર્ષે મુંબઈથી પકડાયો

વડોદરામાંથી નવ વર્ષ પહેલા સગીર કન્યાનું અપહરણ કરનાર પરપ્રાંતિય યુવક મુંબઈ માંથી પકડાયો છે. 

હરણી વિસ્તારમાં રહેતી સગીરાનું મે-2015માં અપહરણ કરનાર સુનિલ યાદવ (દરજીપુરા હરણી પાસે, મૂળ યુપી) ને શોધવા માટે પોલીસની ટીમો યુપી ગઈ હતી. જ્યાં 15 દિવસ બાદ સગીરા મળી આવી હતી. પરંતુ આરોપીનો પત્તો ન હતો.

આરોપી સુનિલ યાદવ છેલ્લા કેટલાક સમયથી મુંબઈમાં રહી રીક્ષા ડ્રાઇવિંગ કરતો હોવાની માહિતી મળતા વડોદરા ક્રાઈમ બ્રાન્ચ ની ટીમે વોચ રાખ્યા બાદ સુનિલને ઝડપી પાડવામાં સફળતા મેળવી છે.