ધ્રાંગધ્રા કાપેલીધાર પાસે કાર અને રિક્ષા વચ્ચે અકસ્માત

- અકસ્માતમાં રિક્ષામાં સવાર ત્રણને ઈજા

- અકસ્માત સર્જી કારચાલક નાસી છુટયો, પોલીસે તપાસ હાથ ધરી

ધ્રાંગધ્રા : ધ્રાંગધ્રા કા૫લીધારથી બાયપાસ રોડ પર અજાણ્યા કાર ચાલકે રિક્ષાને અડફેટે લેતા રિક્ષામાં સવાર ત્રણ શખ્સને ઈજાઓ પહોંચી હતી જ્યારે કારચાલક અકસ્માત બાદ નાસી છુટયો હતો. જે અંગે ભોગ બનનારે અજાણ્યા કાર ચાલક સામે ફરિયાદ નોંધાવતા પોલીસે વધુ તપાસ હાથ ધરી છે.

ધ્રાંગધ્રા શહેરી વિસ્તારમાં રહેતા દિનેશભાઈ ગોરધનભાઈ ઝીંઝુવાડીયા, ગોપાલભાઈ નારણભાઈ તથા યુવરાજભાઈ મનસખભાઈ શટલ રિક્ષા લઈને જેગડવાથી ધ્રાંગધ્રા ખાતે પરત આવી રહ્યાં હતાં. તે દરમિયાન ધ્રાંગધ્રા કાપેલીધાર બાયપાસ રોડ પર અજાણ્યા કાર ચાલકે પોતાની કાર પુરઝડપે ચલાવી પાછળથી રિક્ષાને અડફેટે લેતા દિનેશભાઈને હાથે તેમજ માથાના ભાગે ઈજાઓ પહોંચી હતી જ્યારે ગોપાલભાઈ અને યુવરાજભાઈને પણ ઈજાઓ પહોંચતા સારવાર અર્થે હોસ્પિટલ ખસેડાયા હતા જ્યારે કારચાલક અકસ્માત બાદ નાસી છુટયો હતો. જે અંગે ભોગ બનનાર ફરિયાદીએ અજાણ્યા કાર ચાલક સામે ફરિયાદ નોંધાવતા પોલીસે વધુ તપાસ હાથ ધરી છે.