ભાવનગરમાં કારની ટક્કરે વિદ્યાર્થિનીનું મોત, 12 દિવસ પહેલાં પિતાનું થયું હતું નિધન

Accident In Bhavnagar: ભાવનગરથી અકસ્માતની ચોંકાવનારી ઘટના સામે આવી છે. ઝીલ સંદીપ બારૈયા નામની વિદ્યાર્થિની આજે (સાતમી ઓક્ટેબર) સવારે મોપેડ પર કોલેજે જઈ રહી હતી. આ દરમિયાન એક ઈકો કારે તેને ટક્કર મારી હતી. આ અકસ્માતમાં વિદ્યાર્થિનીને માથામાં ગંભીર ઈજા પહોંચી હતી. તેને સારવાર માટે હોસ્પિટલ ખસેડવામાં આવી હતી. જો કે, ડોક્ટરોએ વિદ્યાર્થિનીને મૃત જાહેર કરી હતી. 

ઉલ્લેખનીય છે કે, 25મી સપ્ટેમ્બરે વિદ્યાર્થિનીના પિતાનું નિધન થયું હતું. તેના 12 દિવસ બાદ આજે (સાતમી ઓક્ટેબર) પુત્રીનું મૃત્યુ થયું છે.