પાટણમાં કાર અને બાઈક વચ્ચે ગમખ્વાર અકસ્માત, ત્રણ લોકોના મોત

Accidents In Patan: પાટણમાં વધુ એક ગમખ્વાર અકસ્માત ઘટના સામે આવી છે. ચાણસ્માના ઘરમોડા નજીક કાર અને બાઈક વચ્ચે અકસ્માત સર્જાયો હતો. જેમા બાઈક ચાલક અને કારમાં સવાર બે વ્યક્તિ સહિત ત્રણ લોકોના મોત નીપજ્યા હતા. જ્યારે કાર સવાર ત્રણ લોકો ઈજાગ્રસ્ત બન્યા થયા છે. જેમને સારવાર માટે હોસ્પિટલ ખાતે ખસેડવામાં આવ્યા હતી. અકસ્માતની ઘટનાના પગલે પોલીસે ઘટનાસ્થળે પહોંચી આગળની તપાસ હાથ ધરી છે.

હારીજ-ચાણસ્મા હાઈવે પર અકસ્માતમાં ત્રણનાં મોત

ઉલ્લેખનીય છે કે, બહુચારાજીના અંબાલા ગામમાંથી ઠાકોર પરિવારનો સંઘ પગપાળા વરાણા ખાતે ખોડિયાર માતાજીના દર્શનાર્થે જઈ રહ્યો હતો ત્યારે મોડી રાત્રે હારીજ-ચાણસ્મા હાઈવે પર દાંતરવાડે ગામ નજીક અજાણ્યા વાહને સંધને અડફેટેલેતા ત્રણ લોકોના ઘટનાસ્થળે જ મોત થયા હતા જ્યારે પાંચ લોકો ગંભીર રીતે ઈજાગ્રસ્ત થયા હતા, જેમાં ચાર લોકોની હાલત ખુબ જ ગંભીર છે. આ ઘટનાની જાણ થતાં જ પોલીસની ટીમે ઘટના સ્થળે પહોંચીને આગળની કાર્યવાહી હાથ ધરી હતી.