જામનગરના જોડીયામાં સગીર વયની મૂકબધિર તરૂણી મળી આવી : વાલીઓને શોધવા જામનગર પોલીસની અપીલ

Jamnagar : જામનગરના જોડિયા પોલીસ સ્ટેશનમાં એક ચિંતાજનક બનાવ સામે આવ્યો છે. તા.15 ઓક્ટોબરના રોજ, સાંજે 7.30 વાગ્યે જોડિયા બંદર રોડ પરથી એક અજાણી તરૂણી મળી આવી છે. આશરે 17 વર્ષની આ બાળા મૂંગી અને બહેરી હોવાથી પોતાનું નામ કે ઠેકાણું જણાવી શકતી નથી. તેના પર આછા ગુલાબી રંગનું ટોપ, બ્લુ કલરની લેગીન્સ અને ગળામાં પંચરંગી નાખેલી છે. તેના જમણા હાથના કાંડા પર અંગ્રેજીમાં 'રીતુ' એવું ટેટુ બનાવેલું છે. 

તરૂણીના વાલીઓ હાલમાં મળી આવ્યા નથી. આ બાબતે જોડિયા પોલીસ સ્ટેશનમાં કોઈ ગુમ કે અપહરણની ફરિયાદ નોંધાઈ નથી. જો કોઈ વ્યક્તિએ આ તરૂણીને ઓળખી હોય અથવા તેના વિશે કોઈ માહિતી હોય તો તાત્કાલિક જોડિયા પોલીસ સ્ટેશનનો સંપર્ક કરવા જામનગર જિલ્લાના તમામ પોલીસ સ્ટેશનોને જાણ કરવામાં આવી છે. 

જોડિયા પોલીસ સ્ટેશનના ફોન નંબર ઉપર સંપર્ક કરીને આ તરૂણી વિશે માહિતી આપી શકાય છે. પોલીસે આ બાળાનો ફોટો પણ જાહેર કર્યો છે.