પાણી ભરવા જતા પગ લપસતા કૂવામાં પડી જવાથી પરિણીતાનું મોત

ટંકારા તાલુકાના હડમતીયા ગામે

વાંકાનેરના વાલાસણ ગામની સીમમાં રોડની સાઇડમાં ઉભેલા પ્રૌઢને ટ્રક ચાલકે હડફેટે લેતા મોત

જે બનાવની પ્રાપ્ત વિગતો મુજબ ટંકારા તાલુકાના હડમતીયા ગામની સીમમાં રહીને મજુરી કરતા ફીરકીબેન મુન્નાભાઈ બારેલા (ઉ.વ.૧૯) નામની પરિણીતા કૂવામાં પાણી ભરવા જતા પગ લપસી જતા મોત થયું હતુે. મૃતકનો લગ્નગાળો એક વર્ષનો છે અને સંતાનમાં ૦૨ માસનો પુત્ર હોવાનું જાણવા મળ્યું છે ટંકારા પોલીસે અકસ્માત મૃત્યુના બનાવની નોંધ કરી તપાસ ચલાવી છે.

વાંકાનેર તાલુકાના વાલાસણ ગામના મુસ્તાક અબુજી કડીવાર (ઉ.વ.૩૪) નામના યુવાને ટ્રક ચાલક વિરુદ્ધ ફરિયાદ નોંધાવી છે કે તેના પિતા અબુજીભાઈ કડીવાર વાલાસણ ગામની સીમમાં આવેલ ઇન્ડિયન કોટન મિલ પાસે રોડ સાઈડમાં ઉભા હતા ત્યારે ટ્રક ચાલકે પોતાનું વાહન પુરઝડપે ચલાવી અબુજીભાઈને ઠોકર મારતા ગંભીર ઈજા પહોંચતા મોત થયું હતું અકસ્માત બાદ પોતાનું વાહન લઈને ચાલક નાસી ગયો હતો વાંકાનેર તાલુકા પોલીસે ફરિયાદ નોંધી તપાસ ચલાવી છે.