જામનગરમાં દેશી બનાવટની જામગરી બંદૂક સાથે શખ્સ SOGના હાથે પકડાયો

Jamnagar : જામનગરની એસ.ઓ.જી. શાખાની ટુકડીએ વચ્ચે મચ્છરનગર નજીક એક દરગાહ પાસેથી દેશી જામગરી બંદુક સાથે એક શખ્સને ઝડપી લીધો છે, અને વધુ પૂછપરછ હાથ ધરી છે.

 એસ.ઓ.જી. શાખાની ટુકડીને ચોક્કસ બાતમી મળી હતી કે જામનગરમાં બેડી વિસ્તારમાં રહેતો અકબર ઉર્ફે બટેટી ઓસમાણભાઈ નામનો વાઘેર શખ્સ મચ્છર નગર નજીક આવેલી ગેડીયાપીરને દરગાહ પાસે બાવળની જાળીમાં દેશી જામગરી બંદુક સંતાડી રહ્યા છે, જે બાતમીના આધારે મોડી રાત્રે વોચ ગોઠવી અકબર ઉર્ફે બટેટી નામના વાઘેર શખ્સને ઝડપી લીધો હતો, અને તેની પાસેથી દેશી બનાવટની જામગરી બંદૂક કબજે કરી લઇ તેની સામે હથિયાર ધારા ભંગ બદલ ગુનો નોંધ્યો છે.