ધ્રોળ તાલુકાના ભેંસદડ ગામના ખેડૂત યુવાન પર જૂની અદાવતના મનદુઃખમાં ધારિયા વડે હુમલો

image : Freepik

Jamnagar Crime : જામનગર જિલ્લાના ધ્રોલ તાલુકાના ભેંસદડ ગામમાં રહેતા દિનેશભાઈ ભવાનભાઇ ચોટલીયા નામના 39 વર્ષના ખેડૂત યુવાને પોતાના ઉપર જૂની અદાવતનું મનદુઃખ રાખીને ધારિયા વડે હુમલો કરવા અંગે પોતાના જ ગામના યોગેશ ખેંગારભાઈ નામના શખ્સ સામે ફરિયાદ નોંધાવી છે.

પોલીસ ફરિયાદમાં જાહેર કરાયા અનુસાર ફરીયાદી યુવાનને આરોપીના ભાઈ સાથે અગાઉ બોલાચાલી થઈ હતી, અને પોલીસ ફરિયાદ કરવામાં આવી હતી. જેનું મન દુઃખ રાખીને આ હુમલો કરાયાનું જાહેર થયું છે. ફરીયાદી યુવાનને જામનગરની હોસ્પિટલમાં સારવાર અપાઈ રહી છે.