હત્યા કે આત્મહત્યા..! વડોદરાના ભાયલી ટીપી વિસ્તારમાં ઝાડ પરથી યુવકની લટકતી લાશ મળી

image : Socialmedia 

Vadodara Dead Body Found : વડોદરાના ભાયલી ટીપી વિસ્તારમાં આજે સવારે ઝાડ પર એક યુવકની લટકતી લાશ મળતા તાલુકા પોલીસ ઘટના સ્થળે દોડી ગઈ હતી. યુવકની ઓળખ કરી તેના પરિવારોને જાણ કરી આપઘાત કે હત્યાને શંકાના આધારે તપાસ હાથ ધરી છે. 

આજે સવારે તાલુકા પોલીસને માહિતી મળી હતી કે ભાયલી ટીપી વિસ્તારમાં વિરામ ફ્લેટ પાસે આવવારું જગ્યામાં ઝાડ પર એક યુવકની લાશ લટકી રહી છે. જેના પગલે તાલુકા પોલીસનો સ્ટાફ ઘટના સ્થળે દોડી ગયો હતો. પોલીસે ઝાડ પરથી લાશ ઉતારી હતી. પોલીસ મૃતકને ઓળખ માટેના પ્રયાસો શરૂ કર્યા હતા. તે દરમિયાન મૃતકના મોબાઈલ પર રીંગ આવતા પોલીસે ફોન રિસીવ કર્યો હતો. જેના આધારે મૃતકનું નામ જસારામ ભગવાનરામ સુથાર (ઉંમર 37, રહે-સીતારામ પાર્ક સોસાયટી સમાસાવલી રોડ ) હોવાનું જાણવા મળ્યું હતું. પોલીસને હજી કોઈ ચિઠ્ઠી મળી આવી નથી. યુવકે આપઘાત કર્યો કે પછી કોઈએ તેમની હત્યા કરીને લાશ ઝાડ પર લટકાવી દીધી છે? તેવી શક્યતાઓના આધારે તાલુકા પોલીસે વધુ તપાસ હાથ ધરી છે.