જામનગરમાં દિગ્જામ સર્કલ રેલવે ઓવરબ્રિજ નીચે રેલવે લાઇન પર 60 વર્ષના અજ્ઞાત બુઝુર્ગ ટ્રેન હેઠળ કપાયા

Jamnagar : જામનગરમાં દિગજમ રેલવે ઓવર બ્રિજની નીચે પસાર થતી રેલ્વે લાઈન પર ગઈકાલે 60 વર્ષની વયના અજ્ઞાત બુઝુર્ગનું ટ્રેન હેઠળ કપાઈ જતાં મૃત્યુ નીપજ્યું છે.

આ બનાવની વિગત એવી છે કે જામનગરના દિગજામ રેલવે ઓવર બ્રિજ નીચેથી પસાર થતી રેલ્વે લાઈન પર ગઈકાલે સવારે 8.15 વાગ્યાના અરસામાં 60 વર્ષની વયના એક બુઝુર્ગનું ટ્રેનના એન્જીન હેઠળ કપાઈ જવાથી ઘટના સ્થળેજ કરુણ મૃત્યુ નીપજ્યું હતું.

આ બનાવ અંગે લાખાબાવળ રેલ્વે સ્ટેશનના સ્ટેશન માસ્તર વિનોદકુમાર રામલખન પ્રસાદે પોલીસને જાણ કરતાં સીટી સી. ડિવિઝનનો પોલીસ સ્ટાફ ઘટના સ્થળે પહોંચી ગયો હતો, અને અજ્ઞાત બુઝુર્ગના મૃતદેહનો કબજો સંભાળી જામનગરની સરકારી જી.જી. હોસ્પિટલમાં પોસ્ટમોર્ટમ કરાવ્યું હતું, અને તેના મૃતદેહને જી.જી.હોસ્પિટલના કોલ્ડ રૂમમાં ઓળખ માટે રાખવામાં આવ્યો છે.