રાજ્યમાં આકાશી આફત : વીજળી કહેર બની ત્રાટકી, 20 લોકોના મોત

Unseasonal Rain :  વેસ્ટર્ન ડિસ્ટર્બન્સના કારણે રાજ્યભરમાં કમોસમી વરસાદ વરસી રહ્યો છે. રાજ્યના મોટા ભાગના વિસ્તારોમાં ભારે પવન અને વીજળીના કડાકા સાથે વરસાદ વરસી રહ્યો છે, અમદાવાદમાં પણ કડાકા-ભડાકા સાથે વરસાદ પડતા પાણી ભરાયા હોવાના અહેવાલો છે, ત્યારે રાજ્યમાં માવઠા વચ્ચે વીજળી કહેર બનીને ત્રાટકી છે. રાજ્યમાં કમોસમી વરસાદના કારણે વીજળી પડતા 20 લોકોના મોત નિપજ્યા હોવાની વિગતો મળી રહી છે અને 50થી વધુ પશુના મૃત્યુ થયા છે. આ ઉપરાંત તુવેર, કપાસ, ગુવાર, કાપેલા ડાંગરના પાકને પણ ભારે નુકસાન થયું છે. લગ્નસરાનો પ્રારંભ થયા છે  ત્યાં જ વરસાદ ત્રાટકતાં પાર્ટી પ્લોટમાં લગ્ન લેનારાઓને તાકીદે વૈકલ્પિક વ્યવસ્થા કરવાની ફરજ પડી હતી.

STORY | 20 killed in lightning strikes amid unseasonal rains in Gujarat; Amit Shah expresses grief

READ: https://t.co/xrZ34jAZSW pic.twitter.com/X3XSzjapYL

— Press Trust of India (@PTI_News) November 27, 2023

વીજળી પડવાથી ક્યાંક દાદી-પૌત્રના તો ક્યાંક 6 વર્ષની દીકરીનું મોત

ગુજરાતમાં વીજળી પડવાથી ૧5થી વધુ વ્યક્તિના મૃત્યુ થયા છે.જેમાં ઉત્તર ગુજરાત-મધ્ય ગુજરાતમાંથી 4-4, સૌરાષ્ટ્ર-દક્ષિણ ગુજરાતમાંથી 3, અમદાવાદ-ખેડામાંથી 1-1 મૃત્યુનો સમાવેશ થાય છે. વીજળી પડવાથી કેટલાક મૃત્યુ આ મુજબ છે.

વીજળી પડતા 20 લોકોના મોત જેમાં 15  લોકોની ઓળખ થઇ 

1) સુરતમાં ડુમસના દરિયા કિનારે 17 વર્ષના તરુણનું મોત

2) દાહોદના ઊરાવાણીયા ગામે 35 વર્ષના યુવાનનું મોત, બાળકી ઘાયલ

3) દેવભૂમિ દ્વારકાના ખંભાળિયાના બારા ગામે 11 વર્ષના બાળકનું મોત, યુવાન ઘાયલ

4) સુરેન્દ્રનગરના ચુડાના ભાણેજડા ગામે એકનું મોત

5) તાપીના સોનગઢના ગુંદી ગામે ખેતરમાં કામ કરતી મહિલા અને એક નું મોત ખાંભાલા ગામે ખેતીકામ કરતા શ્રમિકનું મોત

6) બનાસકાંઠાના પાંથાવાડાના આરખી ગામે યુવાનનું મોત

7) ભરૂચના હાંસોટમાં માછીમારી કરવા ગયેલા દાદી અને પૌત્રનું મોત

8) અમદાવાદના બાવળાના કાવિઠા ગામે યુવાનનું મોત

9) અમદાવાદના વિરમગામના નળકાંઠાના કુમારખાણા ગામે ખેડૂતનું મોત

10) અમદાવાદના ધોલેરાના દેવપુરા ગામે યુવાનનું મોત

11) બનાસકાંઠાના વાવના મોરિખાગામે 6 વર્ષની બાળકીનું મોત

12) અમરેલીન જાફરાબાદના રોહિસા ગામે વીજળી પડતા યુવાનનું મોત

13) બોટાદના બરવાળાના હેબતપુરમાં એકનું મોત

14) મહેસાણામાં કડીના શિયાપુરામાં યુવકનું મોત

15) સાબરકાંઠામાં  ઈડરના કાબસો ગઢા ગામે એક મહિલાનું મોત