જામનગર શહેરમાં જુગાર રમતી 9 મહિલા અને એક કિન્નર સહિત 13 શખ્સો ઝડપાયા

Jamnagar Gambling : જામનગર શહેરના ધરારનગર વિસ્તારમાં બે જગ્યાએ સ્થાનિક પોલીસે દરોડો પાડી જુગાર રમતી નવ મહિલા, એક કિન્નર અને ત્રણ પુરૂષ સહિત કુલ મળી 13 શખ્સને ઝડપી લઈ સ્થળ પરથી રૂપિયા 30 હજારની રોકડ રકમ જપ્ત કરી કાયદેસરની કાર્યવાહી હાથ ધરી હતી.

પ્રથમ દરોડામાં જામનગરમાં ધરારનગર વિસ્તારમાં પાવર હાઉસ પાસે જાહેરમાં ગંજીપાના વડે જુગાર રમતી ભારતીબેન ભીખુભાઈ રબારી, ચંદ્રાબા નાનભા જેઠવા, ગુલાબબા બનેસંગ જાડેજા, ક્રિષ્નાબા રાજેન્દ્રસિંહ જાડેજા અને શાંતુબા વનરાજસિંહ ચૌહાણ નામની પાંચ મહિલા સામે સિટી સી પોલીસે નોટીસ પાઠવી સ્થળ પરથી રૂપિયા 15,400ની રકમ કબ્જે કરી હતી.

ઉપરાંત આજ વિસ્તારમાં જાહેરમાં ગંજીપાના વડે જુગાર રમતાં ભીમસંગ કેશુભા ચુડાસમા, હિતેષ ભીખુભાઈ રબારી, ખમાબા કેશુભા સોલંકી, કુસુમબા પ્રવીણસિંહ ઝાલા, દક્ષાબેન રવિભાઈ જાદવ, માનકુંવરબા વિક્રમસિંહ જાડેજા, ભારતીદે મીનાદે, હેમકુંવરબા રાજેન્દ્રસિંહ જાડેજા નામના આઠ શખ્સની પણ સિટી સી પોલીસે ધરપકડ કરી રૂપિયા 14,700ની રોકડ રકમ કબ્જે કરી હતી.