ફતેગંજમાં બ્રાન્ડેડ કંપનીના નામના શર્ટ વેચતા વેપારી પાસે 122 શર્ટ કબજે

વડોદરાઃ  શહેરમાં બ્રાન્ડેડ કંપનીઓના નામે ડુપ્લિકેટ ચીજોનું વેચાણ થઇ રહ્યું હોવાના વારંવાર કિસ્સા બહાર આવી રહ્યા છે.મોટાભાગે આ પ્રકારની ચીજો ગારમેન્ટ્સ,મોબાઇલના પાર્ટ્સ અને વાહનો માટેના ઓઇલ માં જોવા મળતી હોય છે.આવો જ એક બનાવ ફતેગંજ વિસ્તારમાં બન્યો છે.

ફતેગંજ વિસ્તારના મંગલ કીર્તિ એપાર્ટમેન્ટમાં આવેલી ધ બ્રાન્ડ સ્ટુડિઓ નામની દુકાનમાં મુફ્તી બ્રાન્ડથી વેચાતા રૃ.૯૬ હજારની કિંમતના ૧૨૨ શર્ટ મળી આવતાં સયાજીગંજ પોલીસે દુકાનદાર હુસેન હનિફભાઇ દૂધવાલા(નાગરવાડા,લાલજીકૂઇ) સામે કોપીરાઇટ એક્ટ  હેઠળ ગુનો નોંધ્યો છે.