લાલપુર નજીક મેઘપરમાં એક મકાનમાંથી 105 નંગ ઇંગ્લિશ દારૂની બાટલીનો જથ્થો પકડાયો: દારૂના બે ધંધાર્થીઓ ફરાર

જામનગર જિલ્લાના લાલપુર તાલુકાના મેઘપર ગામમાં વાડી વિસ્તારમાં રહેતા અને મજૂરી કામ કરતા શ્રમિકે પોતાની વાડીના મકાનમાં ઇંગ્લિશ દારૂની બાટલીનો જથ્થો સંતાડ્યો છે, અને તે દારૂનો જથ્થો આયાત કરવામાં મેઘપર ગામના ગીરીરાજસિંહ પિંગળ ની સંડોવણી છે, તેવી માહિતીના આધારે મેઘપર પોલીસે ગઈ રાતે દરોડો પાડયો હતો.

જે દરોડા દરમિયાન મકાનમાંથી 105 નંગ ઇંગ્લિશ દારૂની બાટલી નો જથ્થો મળી આવ્યો હતો.આથી પોલીસ દ્વારા દારૂ નો જથ્થો કબ્જે કરી લેવામાં આવ્યો છે, પરંતુ  દારૂના બંને ધંધાર્થીઓ ભાગી છૂટ્યા હોવાથી પોલીસે બંનેને ફરારી જાહેર કરી શોધખોળ હાથ ધરી છે.