શાહરુખ કે ટોમ ક્રૂઝ નહીં, આ છે દુનિયામાં સૌથી વધુ કમાતો અભિનેતા: પાંચ વર્ષથી એક પણ ફિલ્મ હિટ નહીં

Worlds Highest Paid Actor:  ટોમ ક્રૂઝ અને શાહરૂખ ખાન એવા કલાકારો છે જેમને દુનિયાભરના ચાહકો પસંદ કરે છે. તેની કારકિર્દીમાં ઘણી બ્લોકબસ્ટર ફિલ્મોના નામ સામેલ છે. પરંતુ જ્યારે સૌથી વધુ કમાણી કરનારા કલાકારોની વાત આવે છે, ત્યારે આ બંનેમાંથી કોઈનું નામ આગળ નથી. સૌથી વધુ ફી લેનાર મર્ડર મિસ્ટ્રી એક્ટર એડમ સેન્ડલર છે. એક મીડિયા રિપોર્ટ્સ અનુસાર 2023ના ડેટા મુજબ સૌથી વધુ ફી લેનારા એક્ટરે છેલ્લા પાંચ વર્ષથી કોઈ હિટ ફિલ્મ આપી નથી. 

એકપણ ફિલ્મ હિટ ન આપવા છતાં કરી કમાણી 

એડમ સેન્ડલરે 90ના દાયકામાં કોમેડી ફિલ્મોથી પોતાની કારકિર્દીની શરૂઆત કરી હતી. આજે એડમ વિશ્વમાં સૌથી વધુ કમાણી કરનાર અભિનેતા બની ગયો છે, જો કે છેલ્લા પાંચ વર્ષમાં તે બોક્સ ઓફિસ પર કોઈ મોટી હિટ ફિલ્મ આપી શક્યો નથી, તેમ છતાં તેની કમાણીમાં કોઈ ઘટાડો થયો નથી. સેન્ડલરે વર્ષ 2023માં ચાર ફિલ્મોમાં કામ કર્યું હતું, જેમાંથી ત્રણ ઓટીટી પ્લેટફોર્મ પર રિલીઝ કરવામાં આવી હતી. આ ફિલ્મોમાં 'મર્ડર મિસ્ટ્રી 2', 'યુ આર નોટ ઇન્વાઇટેડ' અને 'લિયો'નો સમાવેશ થાય છે. આ સિવાય તેણે ફિલ્મ 'ધ આઉટ લોઝ'માં પણ કામ કર્યું છે.

ફિલ્મની એક્ટર અને પ્રોડ્યુસર હોવાથી મોટો ફાયદો થયો 

સૌથી મહત્ત્વની વાત એ છે કે સેન્ડલરની મોટાભાગની ફિલ્મો થિયેટરમાં રિલીઝ ન થતા સીધી ઓટીટી પ્લેટફોર્મ પર જ રિલીઝ થાય છે. આથી ડિજિટલ આવક દ્વારા જ તે આવી જંગી કમાણી કરે છે. તેમજ સેન્ડલ આ ત્રણેય ફિલ્મોનો પ્રોડ્યુસર પણ રહ્યો હતો. જેના કારણે તેને આ ફિલ્મોના ડિજિટલ વેચાણમાં મોટો હિસ્સો મળ્યો છે અને તેની કમાણીમાં જબરદસ્ત વધારો થયો છે. 

આ પણ વાંચો: શાહરુખ ખાનને જાનથી મારી નાખવાની ધમકી આપનાર વ્યક્તિની રાયપુરથી ધરપકડ

ઓટીટી પ્લેટફોર્મથી કરી કમાણી 

સેન્ડલરે છેલ્લે વર્ષ 2019માં ફિલ્મ 'અનકટ જેમ્સ'માં કામ કર્યું હતું. જેમાં તેણે આ ફિલ્મથી 3.74 અબજ રૂપિયાની કમાણી કરી હતી, પરંતુ ત્યાર બાદથી તેની કોઈપણ ફિલ્મ હિટ રહી નથી. આ હોવા છતાં, સેન્ડલરે ક્યારેય હાર માની નહીં અને સ્ટ્રીમિંગ પ્લેટફોર્મ દ્વારા પૈસા કમાવવાનું ચાલુ રાખ્યું.

વર્ષ 2023માં સાથી વધુ કમાણી કરનાર એક્ટર

એક મીડિયા રિપોર્ટ અનુસાર એડમ સેન્ડલરે વર્ષ 2023માં સૌથી વધુ કમાણી કરનારો એકટર બનીને માર્ગોટ રોબીને પાછળ છોડી હતી. માર્ગોટે ફિલ્મ બાર્બીના માધ્યમથી 59 મિલિયન ડોલર એટલે કે લગભગ 4.8 અજબ રૂપિયાની કમાણી કરી હતી. આ લિસ્ટમાં તેના કો-સ્ટાર રયાન ગોસ્લિંગનું નામ પણ સામેલ છે. આ ઉપરાંત ટોમ ક્રૂઝ અને મેટ ડેમન જેવા કલાકારોનું નામ પણ સામેલ છે. આ બધા કલાકારોએ 40 મિલિયન ડોલરથી વધુ કમાણી કરી હતી, જ્યારે એડમ સેન્ડલરે અ તમામ કલાકારો કરતા પણ કમાણી કરી હતી.