જ્યારે મને દારૂની લત લાગી ગઈ હતી ત્યારે ઘરના....એક્ટર બોબી દેઓલે કર્યો ખુલાસો

Image: Facebook

Bobby Deol: બોબી દેઓલે 'એનિમલ' માં પોતાના દમદાર અભિનયથી ખૂબ લોકપ્રિયતા મેળવી. જોકે એક સમય હતો જ્યારે અભિનેતાને દારૂની લતથી ઝઝૂમતાં મુશ્કેલ સમયનો પણ સામનો કરવો પડ્યો હતો. એક ઈન્ટરવ્યૂમાં બોબીએ પોતાની દારૂની લત અંગે વાત કરી. તેણે કહ્યું કે ભૂતકાળની ભૂલો પર ધ્યાન ન આપવું જરૂરી છે, કેમ કે તે સંઘર્ષ બોધપાઠ આપે છે. ઈમ્પ્રૂવ હોવાનો નિર્ણય આંતરિક રીતે આવે છે.

બોબી દેઓલે પોતાની દારૂ પીવાની લત અંગે કરી વાત

એક ઈન્ટરવ્યૂ દરમિયાન બોબીને તેમના મુશ્કેલ સમય વિશે પૂછવામાં આવ્યું તો તેમણે કહ્યું, 'તમે આરામથી બેસી શકો છો અને જે કંઈ પણ તમે ખોટું કર્યું છે તેની પર પસ્તાવો કરી શકો છો. પરંતુ તમે પોતાની ભૂલોથી કેવી રીતે શીખો છો? આ માત્ર એટલું જ છે કે તમારે તે બાબતોથી પસાર થવું પડ્યું, અને તમારે તેમાંથી બહાર આવવું પડ્યું. તમે આ કરી શકો છો. કોઈ તમારો હાથ પકડી શકતું નથી. હું તે સમયમાંથી પસાર થઈ રહેલાં પોતાના ચાહકોને એ નથી જણાવી શકતો કે આમાંથી કેવી રીતે બહાર નીકળવાનું છે કેમ કે તે તમામ જાણે છે કે આમાંથી કેવી રીતે બહાર નીકળવાનું છે. વાત બસ એટલી છે કે તમારે પોતાના પર વિશ્વાસ કરવો પડશે.'

હું પોતાને ટોર્ચર કરી રહ્યો હતો

બોબી દેઓલે આગળ કહ્યું કે એવું લાગી રહ્યું છે કે હું ડૂબી રહ્યો છું. 'દરેક કમજોરી અનુભવે છે, દરેક અનુભવ કરે છે કે તે કરી શકતો નથી. આ એટલું મુશ્કેલ છે કે તમે બહાર આવી શકતાં નથી. આ એવું છે કે જેમ કે તમે ડૂબી રહ્યાં છો અને લોકો પોતાને ડૂબવા દે છે. મને લાગે છે કે દરેક આમાંથી બહાર નીકળી શકે છે.

મને લાગે છે કે આમ-તેમ નાની-નાની બાબતો છે. અચાનક એક સ્વિચ બંધ થઈ જશે અને તમે કહેશો, 'હું આ કરી શકું છું.' મારા માટે આ મારા ઘરમાં મારી આસપાસના તમામ લોકો હતાં જે મારા વિશે ખૂબ ચિંતિત હતાં. તે મને પ્રોત્સાહિત કરતાં હતાં પરંતુ જ્યારે હું પોતાને ટોર્ચર કરી રહ્યો હતો તો તેમની આંખોમાં મને જોઈને ખૂબ દુ:ખ થઈ રહ્યું હતું. તે પોતાના શબ્દોથી મને આશ્વાસન આપ્યા સિવાય મારી કોઈ મદદ કરી ન શક્યાં.'

'એનિમલે' બોબીના કરિયરને આપી નવી દિશા

એનિમલમાં બોબી દેઓલે અબરાર હકનું પાત્ર નિભાવ્યું હતું અને આ સાથે તેનું કરિયર એક વાર ફરી ચમકી ગયું. જોકે લિમિટેડ સ્ક્રીમ ટાઈમ છતાં, ખતરનાક વિલનના તેના પાત્રને ચાહકો અને ક્રિટિક્સ બંનેથી ખૂબ પ્રશંસા મળી હતી.

બોબી જણાવ્યું કે ડાયરેક્ટર સંદીપ રેડ્ડી વાંગાએ તેમને આ ભૂમિકા ઓફર કરી હતી. બોબીએ કહ્યું, 'મને તેમનો એક મેસેજ મળ્યો. તેમણે પોતાની ઓળખાણ આપી અને મને કહ્યું કે તે એક ફિલ્મ માટે મને મળવા માગે છે. મે વિચાર્યું, 'શું આ હકીકતમાં તે છે?' મે ફોન કર્યો અને મીટિંગ અરેન્જ કરી. જ્યારે મે સેલિબ્રિટી ક્રિકેટ લીગમાં ભાગ લીધો હતો ત્યારે તેમણે મને મારી જ એક તસવીર બતાવી અને કહ્યું, 'હું તને કાસ્ટ કરવા માગું છું કેમ કે મને તારા આ એક્સપ્રેશન પસંદ છે.' એનિમલ બ્લોકબસ્ટર રહી હતી અને તેણે 543 કરોડથી વધુની કમાણી કરી હતી.