વિક્રાંત મેસી પુત્રનો પિતા બન્યો, યામી ગૌતમ પણ પ્રેગનન્ટ

- બોલીવૂડ કલાકારોને ત્યાં બેબી બૂમ

- આર્ટિકલ 370નાં ટ્રેલર લોન્ચ વખતે પતિ આદિત્યએ યામી પ્રેગનન્ટ હોવાનું કન્ફર્મ કર્યું

મુંબઇ : બોલીવૂડમાં બેબી બૂમ ચાલી રહી હોય તે વિક્રાંત મૈસી એક પુત્રનો પિતા બન્યો છે. બીજી તરફ અભિનેત્રી  યામી ગૌતમ પણ પ્રેગનન્ટ હોવાનું કન્ફર્મ થયું છે. 

વિક્રાંત મેસી અને તેની પત્ની શિતલ બુધવારે એક પુત્ર સંતાનનાં પેરેન્ટ  બન્યાં છે. તેમણે  સોશિયલ મીડિયા પર તસવીરો શેર કરી ચાહકોને આ ખુશ ખબર આપ્યા હતા. વિક્રાંત અને શિતલ ૨૦૧૫થી ડેટિંગ કરતાં હતાં. બે વર્ષ પહેલાં જ તેમનાં લગ્ન થયાં છે. વિક્રાંતને તાજેતરમાં '૧૨વી ફેઈલ' ફિલ્મથી મોટી સફળતા મળી છે. બીજી તરફ બોલીવૂડની હિરોઈન યામી ગૌતમ પણ હાલ પ્રેગનન્ટ હોવાનું કન્ફર્મ થયું છે. યામી પાંચ મહિના કરતાં વધારે સમયથી પ્રેગનન્ટ છે.  

યામી અને પતિ આદિત્ય ધર તેમની ફિલ્મ 'આર્ટિકલ ૩૭૦'નાં ટ્રેલર લોન્ચ વખતે સાથે આવ્યાં ત્યારે  આદિત્ય ધરે યામી પ્રેગનન્ટ હોવાનું કન્ફર્મ કર્યું હતું.  યામી અને આદિત્ય 'ઉરી' ફિલ્મનાં સેટ પર મળ્યાં હતાં. તે પછી ૨૦૨૧માં તેમણે લગ્ન કર્યાં હતાં. 

ઉલ્લેખનીય છે કે અનુષ્કા શર્મા પણ હાલ બીજી વખત પ્રેગનન્ટ છે. ક્રિકેટ એ બી ડી વિલિયર્સે એક વીડિયો ચેટમાં અનુષ્કા પ્રેગનન્ટ હોવાનું કન્ફર્મ કર્યું હતું.