VIDEO : વિદ્યા બાલને કાર્તિક આર્યનનું ગળું દબાવ્યું, 'મંજુલિકા' સામે 'રુહ બાબા' લાચાર

Bhool Bhulaiyaa 3, Vidya Balan & Kartik Aryan : ફરી એકવાર થિયેટરોમાં હોરર અને કોમેડીથી ભરેલી ફિલ્મોનો યુગ પાછો ફર્યો છે. આ વર્ષે 'સ્ત્રી 2'ને મળેલી જોએદાર સફળતા બાદ પછી હવે 'ભૂલ ભુલૈયા 3' ફિલ્મ દર્શકો માટે રોમાંચ લઈને આવી રહી છે. કાર્તિક આર્યન અને વિદ્યા બાલન અભિનીત આ ફિલ્મનું ટ્રેલર તાજેતરમાં જ રિલીઝ થયું હતું. આ વખતે 'રુહ બાબા' એટલે કે કાર્તિક આર્યન ફિલ્મમાં ઘણી મંજુલિકાઓનો સામનો કરતો જોવા મળશે. આ દરમિયાન ફિલ્મની કાસ્ટ સાથે જોડાયેલો એક ફની વીડિયો સામે આવ્યો છે.

2007માં રિલીઝ થયેલી ફિલ્મ 'ભૂલ ભુલૈયા'માં વિદ્યા બાલને મંજુલિકાનો પાત્ર કર્યો હતો. ત્યારે હવે  17 વર્ષ પછી તે ફરી એકવાર એક નવા અવતાર સાથે આ ફિલ્મમાં જોવા મળશે. જો જે આ વખતે ફિલ્મમાં ફક્ત એકલી મંજુલિકા જ નહીં હોય. પરંતુ આ સિવાય માધુરી દીક્ષિત પણ 'ભૂલ ભુલૈયા 3'માં આ પાત્ર ભજવતી જોવા મળશે. ટ્રેલર પરથી અનુમાન લગાવવામાં આવી રહ્યું છે કે તૃપ્તિ ડિમરી ફિલ્મની ત્રીજી ચુડેલ હશે.

'ભૂલ ભુલૈયા 3'નું ટ્રેલર રિલીઝ થયું ત્યારથી જ તે સોશિયલ મીડિયા પર ટ્રેન્ડમાં છે. આ દરમિયાન એક વીડિયો ખૂબ વાઈરલ થઈ રહ્યો છે. જેમાં કાર્તિક આર્યન સ્ટેશન પર ઊભો રહીને વિદ્યા બાલનને કહે છે કે, 'મંજુ, હું તારા માટે આવું છું.' આ કહેતાની સાથે જ તે ટ્રેનમાં ચઢી જાય છે, જેમાં વિદ્યા બાલન ઉભેલી હોય છે. અને 'મંજુલિકા'નું પાત્ર ભજવતી વિદ્યા તેને ગળાથી પકડીને ઉપર ચઢાવે છે. આ સીન જોઈને કાર્તિક પોતે પણ હસવાનું રોકી શકતો નથી. સોશિયલ મીડિયા પર વાઈરલ થઈ રહેલા આ વીડિયોને જોઈને યૂઝર્સનું હસવાનું બંધ નથી થઇ રહ્યું.

અજય દેવગનની ફિલ્મ 'સિંઘમ અગેન' અને બંને 'ભૂલ ભૂલૈયા 3' એકસાથે 1 નવેમ્બરે સિનેમાઘરોમાં રિલીઝ થશે. રોહિત શેટ્ટી દ્વારા નિર્દેશિત 'સિંઘમ અગેન' ફિલ્મ કોપ યુનિવર્સની ફિલ્મ છે, જ્યારે 'ભૂલ ભુલૈયા 3' દ્વારા નિર્દેશિત અનીસ બઝમીની હોરર કોમેડી ફિલ્મ છે. આ સ્થિતિમાં બે અલગ-અલગ શૈલીની આ બે મોટી ફિલ્મોની બોક્સ ઓફિસ પર ટક્કર જોવી રસપ્રદ રહેશે. બંને ફિલ્મોના પહેલા બે ભાગ હિટ રહ્યા હતા.