Viral Video : યુવકે સેલ્ફી લીધી તો ભડક્યા નસીરુદ્દીન શાહ, પછી એક્ટરને મનાવવા પાછળ દોડ્યા ફેન્સ

નવી મુંબઇ,તા. 24 ફેબ્રુઆરી 2024, શનિવાર 

આજકાલ દરેક નાના-મોટા સ્ટાર્સ ફેન્સથી ઘેરાયેલા રહેતા હોય છે. જોકે દિગ્ગજ સ્ટાર્સ અમુક સમયે કામની વ્યસતતા, ટાઈટ શિડ્યુઅલ અને ડેસ્ટિનેશન પર પહોંચવાની ઉતાવળમાં અમુક વખતે પારો ગુમાવી દે છે અને તેમના જ ચાહકો સાથે ગેરવર્તણૂક કરતા નજરે પડે છે. આ પ્રકરણોની યાદીમાં હવે પીઢ અભિનેતા નસીરુદ્દીન શાહનું નામ જોડાયું છે.

શાહનો એક વીડિયો સોશિયલ મીડિયા પર વાયરલ થઈ રહ્યો છે, જેમાં તેઓ પોતાના ચાહકો પર ગુસ્સે થતા જોવા મળી રહ્યાં છે. દિલ્હી એરપોર્ટના આ વીડિયોમાં જોઈ શકાય છે કે, નસીરુદ્દીન શાહે બ્રાઉન શર્ટ અને ડેનિમ પહેર્યું છે અને ગળામાં સ્વેટર લપેડ્યું છે તથા ચહેરા પર માસ્ક દેખાય છે. કહેવામાં આવી રહ્યું છે કે નસીરુદ્દીન શાહ કોઈ કામ માટે દિલ્હી ગયા હતા પરંતુ એરપોર્ટ પર ઉતરતાની સાથે જ ચાહકોએ તેમને ઘેરી લેતા અને તેની સાથે સેલ્ફી લેવાની કોશિશ કરવા લાગ્યા હતા. આ સ્થિતિમાં અકળાઈ જતા 73 વર્ષીય નસીર નારાજ થયા અને તેમણે ચાહકો પર બૂમો પાડવાનું શરૂ કર્યું.

વીડિયોમાં નજરે ચઢે છે તેમ નસીરુદ્દીન શાહ ફેન્સથી દૂર જઈ રહ્યાં છે અને ચાહકો પર બૂમો પાડી રહ્યા છે. નસીર શું કહી રહ્યાં છે તે સ્પષ્ટ રીતે નથી સાંભળાઈ રહ્યું પરંતુ એટલું ચોક્કસ સાંભળી શકાય છે કે નસીર બોલી રહ્યાં છે કે તમે લોકોએ મૂડ બગાડ્યો. તમે લોકો નથી સમજતા.” ચાહકો અને પાપારાઝીઓનો કાફલો નસીરની પાછળ દોડી રહ્યાં છે. અનેક ફેન્સ અને પાપારાઝી શાહને ખાતરી આપી રહ્યા છે કે ભવિષ્યમાં આવું નહીં થાય. જોકે ઇન્ટરનેટ પર વીડિયો વાયરલ થતાની સાથે જ અનેક લોકો નસીરને વર્તન માટે ખરાબ રીતે ટ્રોલ કરી રહ્યા છે.

નસીરુદ્દીન શાહની ફજેતી :

વીડિયો જોયા બાદ એક ઈન્ટરનેટ યુઝરે લખ્યું, "સર કેમેરા જોતાની સાથે જ સંપૂર્ણપણે કેરેક્ટરમાં આવી જાય છે. વાહ, શું નેચરલ પરફોર્મન્સ છે." અન્ય એક યુઝરની કોમેન્ટ છે કે, "ઉંમરની અસર જોવો મિત્રો." એક યુઝરે લખ્યું કે, "પહેલા તમારે ફેમસ બનવું પડશે, માત્ર એટીટ્યુડ બતાવવા માટે. તમારી પોતાની જીંદગી છે સમજીએ છીએ, પરંતુ તમે તમારી ઉંમર પ્રમાણે નમ્ર શબ્દો અને ભાષાનો ઉપયોગ કરી શકો છો." એક યુઝરે લખ્યું છે, "નિરાશ(Frustrated)."

નસીરુદ્દીન શાહની આગામી લાઈનઅપ : 

નસીરુદ્દીન શાહ છેલ્લે વેબ સિરીઝ 'ચાર્લી ચોપરા એન્ડ ધ મિસ્ટ્રી ઓફ સોલાંગ વેલી'માં જોવા મળ્યા હતા. તેમની આગામી વેબ સિરીઝ 'શોટાઈમ' છે, જેમાં ઈમરાન હાશ્મી અને મૌની રોય પણ મહત્વની ભૂમિકામાં હશે.