કેટરિનાના ગીત પર ડાન્સ કરવા જતાં વિક્કી કૌશલ ગબડી પડયો

- સોશિયલ મીડિયા પર રમૂજની છોળો ઊડી

- વિક્કીના માઠા ગ્રહ : સલમાનના બોડીગાર્ડ પછી હવે રાખી સાવંતનો પણ ધક્કો વાગ્યો

મુંબઇ : અબુધાબીમાં યોજાયેલાં એક એવોર્ડ ફંકશનમાં પત્ની કેટરિના કૈફના એક ગીત પર જ ડાન્સ કરતી વખતે વિક્કી કૌશલ ગબડી પડયો હતો. તે પછી સોશિયલ મીડિયા પર તેની ભારે ટીખળ થઈ છે. 

કેટરિના કૈફનાં હિટ ગીત 'શીલા કી જવાની' પર ડાન્સ કરી રહેલા વિક્કી કૌશલને રાખી સાવંતે એક ઠુમકાથી ધક્કો માર્યો હતો. તેના લીધે વિક્કી સંતુલન સાચવી શક્યો ન હતો. 

આ વીડિયો વાયરલ થયા બાદ લોકોએ ભારે ટીખળ ઉડાવી હતી. કેટલાક લોકોએ લખ્યું હતું કે હવે વિક્કીને કેટરિના આ ગીત પર વધારે પ્રેક્ટિસ કરાવશે. કેટલાક લોકોએ કહ્યું હતું કે પત્નીના ગીત પર જ નાચી નહિ શકવાની વિક્કીને આકરી સજા મળી શકે છે. 

કોઈએ લખ્યું હતું કે અબુધાબી વિક્કીને ફળ્યું નથી. અગાઉ, સલમાનના બોડીગાર્ડે તેને ધક્કો માર્યો હતો અને હવે રાખી સાવંતે પણ છક્કડ ખવડાવી દીધી છે.