અગાઉ રદ કરાયેલાં ગીત સાથે વીરઝારા ફરી રીલિઝ કરાશે

મુંબઇ : શાહરુખ ખાન, પ્રિટી ઝિન્ટા તથા રાણી મુખરજીની ફિલ્મ 'વીર ઝારા'ને ૨૦ વર્ષ પૂરાં થવાં નિમિત્તે ફરી રીલિઝ કરાશે. આ વખતે  ફિલ્મમાં એક એવું ગીત પણ ઉમેરાશે જે મૂળ રીલિઝ વખતે કાઢી નખાયું હતું. 

ફિલ્મ માટે 'યે હમ આ ગયેં હૈ કહાં' ગીત તૈયાર કરાયું હતું. પરંતુ, બાદમાં ફિલ્મની લંબાઈ બહુ વધી જશે તેમ લાગતાં તે મૂળ ફિલ્મમાં સામેલ કરાયું ન હતું. હવે રી રીલિઝ માં આ ગીત ઉમેરવામાં આવ્યું છે. 

ફિલ્મના સંગીત માટે  સ્વ. મદન મોહને દાયકાઓ પહેલાં તૈયાર કરેલી ધૂનોનો ઉપયોગ કરાયો હતો. ફિલ્મનાં ગીતો લોકપ્રિય બન્યાં હતાં. 

હવે અખાતી દેશો સહિત દુનિયાભરમાં ૬૦૦ સ્ક્રીન પર આ ફિલ્મ રીલિઝ કરાશે.