અક્ષય કુમારની હોરર કોમેડીમાં વામિકા ગબ્બીની એન્ટ્રી ફાઈનલ

- આગામી જાન્યુઆરીથી શુટિંગ શરુ થશે

- 14 વર્ષ બાદ અક્ષય કુમાર અને પ્રિયદર્શન સાથે કામ કરશે, હજુ બે અભિનેત્રીઓ ઉમેરાશે

મુંબઇ : અક્ષય કુમારની હોરર કોમેડી 'ભૂત બંગલા'માં હિરોઈન તરીકે વામિકા ગબ્બીની એન્ટ્રી કન્ફર્મ થઈ છે. આ ફિલ્મનું શૂટિંગ આગામી જાન્યુઆરીથી શરુ થવાનું છે.  આ ફિલ્મ સાથે જોડાયેલા સૂત્રે જણાવ્યું હતું કે, વામિકા આ ફિલ્મના પાત્ર માટે યોગ્ય અભિનેત્રી જણાઇ હોવાથી તેની પસંદગી કરવામાં આવી છે.  વામિકાએ જુદી જુદી ઓટીટી  સીરિઝમાં  પોતાના કામથી સહુ કોઇને પ્રભાવિત કર્યા છે. વામિકા પણ આ ફિલમમાં કોમેડી કરતીજોવા મળશે. તેણે ફિલ્મને સાઇન કરી લીધી હોવાનું સૂત્રે વધુમાં જણાવ્યું હતું. 

 ફિલમ માટે હજી બે અભિનેત્રીઓને ફાઇનલ કરવાની બાકી છે. આ ફિલ્મનું શૂટિંગ જાન્યુઆરીમાં શરૂ થવાની શક્યતા છે. 

ઉલ્લેખનીય છે કે દિગ્દર્શક પ્રિયદર્શન અને અક્ષય કુમાર ૧૪ વર્ષ પછી કોઈ ફિલ્મ સાથે કરી રહ્યા છે. આ ફિલ્મમાં અન્ય કલાકારોમાં પરેશ રાવલ, રાજપાલ યાદવ અને અસરાની સામેલ છે.