કીર્તિ સુરેશની બોલીવૂડ ડેબ્યૂ ફિલ્મમાં બીજી હિરોઈન વામિકા ગબ્બી

- ઓટીટીની સ્ટારને વધુ એક બિગ બજેટ ફિલ્મ મળી

- સાઉથના સર્જક એટલીની ફિલ્મમાં વરુણ ધવન હિરો છે

મુંબઈ : સાઉથની અભિનેત્રી કીર્તિ સુરેશ બોલીવૂડમાં એન્ટ્રી કરી રહી છે. તેની આ  ફિલ્મમાં બીજી હિરોઈન તરીકે ઓટીટીની જાણીતી સ્ટાર વામિકા ગબ્બીને સિલેક્ટ કરવામાં આવી છે. 

 આ ફિલ્મમાં હિરો તરીકે વરુણ ધવન છે. થોડા દિવસો પહેલાં જ આ ફિલ્મનો મૂહુર્ત શોટ મુંબઈમાં યોજાયો હતો. અત્યારે આ ફિલ્મને 'વીડી૧૮' એવું કામચલાઉ નામ અપાયું છે. ફિલ્મને આવતાં વર્ષે મે માસમાં રીલીઝ કરવાનું પ્લાનીંગ છે.  સર્જકો કીર્તિ સુરેશેની સાથે કોઈ એવી જ હિરોઈનને લેવા માગતા હતા જે માત્ર ગ્લેમર જ નહીં પરંતુ ભાવવાહી અભિનયની દૃષ્ટિએ પણ કીર્તિની સમાંતર હોય. 

આ માટે તેમણે વામિકા ગબ્બીન પસંદગી કરી હતી. તાજેતરની ઓટીટી સીરીઝ 'જ્યુબિલી' પછી વામિકા ગબ્બીની ચોમેર ચર્ચા છે.