રેઈડ ટૂમાં ઈલિયાનાની જગ્યાએ વાણી કપૂર ગોઠવાઈ ગઈ

- સેટ પરથી વાણીની તસવીર વાયરલ

- ઈલિયાના અમેરિકામાં બાળકને ઉછેરી રહી હોવાથી તેની બાદબાકી થઈ ગઈ

મુંબઇ : અજય દેવગણની 'રેઈડ ટૂમાં તેની હિરોઈન તરીકે ઇલિયાના ડી ક્રૂઝને બદલે વાણી કપૂર જોવા મળશે. 

આ ફિલ્મનું શૂટિંગ શરુ થઈ ગયું હોવાના તથા તે આગામી નવેમ્બરમાં રીલીઝ થવાના હોવાના સમાચાર હજુ આગલા દિવસે જ આવ્યા હતા. હવે ફિલ્મના સેટ પરથી વાણી કપૂરની તસવીરો પણ વાયરલ થઈ છે. અજય દેવગણ અન ેવાણી કપૂર પહેલીવાર ઓન સ્ક્રીન સાથે દેખાશે. 

ફિલ્મના પહેલા ભાગમાં ઈલિયાના ડી ક્રૂઝનો નાનકડો રોલ હતો. જોકે, ઈલિયાના તાજેતરમાં જ માતા બની છે અને તે પોતાના સંતાનનો ઉછેર અમેરિકામાં કરી રહી છે. તે અંગત જિંદગીમાં વ્યસ્ત હોવાથી તેને આ ફિલ્મમાં રિપીટ કરવામાં આવી નથી. 

વાણી કપૂર કેટલાય સમયથી કોઈ સારા હિટ પ્રોજેક્ટની તલાશમાં હતી. યશરાજ ફિલ્મ્સ જેવાં બેનરનો સપોર્ટ છતાં પણ વાણી કપૂરની કારકિર્દી ધાર્યા ટ્રેક પર આગળ વધી નથી. 'રેઈડ ટૂ' ફિલ્મ સફળ થાય તો પણ તેને ફાયદો થવાની શક્યતા નહીંવત્ત છે કારણ કે પહેલા ભાગની જેમ તેમાં પણ હિરોઈનના ભાગે બહુ ઓછો સ્ક્રીન ટાઈમ હશે તે નિશ્ચિત મનાય છે.