તૃપ્તિ ડિમરીની નવી ફિલ્મ સિદ્ધાંત ચતુર્વેદી સાથે

- કરણ જોહર આ ફિલ્મ પ્રોડયૂસ કરશે

- લાઈટ રોમાન્ટિક ફિલ્મ હોવાની અટકળો, ડાયરેક્ટરનું નામ હજુ પ્રગટ નથી થયું

મુંબઇ : 'એનિમલ' ફિલ્મની અપૂર્વ સફળતા બાદ ભાભી ટૂના બિરુદ સાથે નવો નેશનલ ક્રશ બની ચુકેલી  તૃપ્તિ ડિમરીને કરણ જોહરનાં પ્રોડક્શનની નવી ફિલ્મ મળી છે. આ ફિલ્મમાં તેનો હિરો સિદ્ધાંત ચતુર્વેદી હશે. 

તૃપ્તિ અને સિદ્ધાંતની જોડીને જોતાં આ એક હળવી પ્રેમકથા હોવાનું મનાઈ રહ્યું છે. જોકે, ફિલ્મની ટીમ તરફથી વાર્તા કે સહકલાકારો વિશે કોઈ માહિતી અપાઈ નથી.  ફિલ્મના દિગ્દર્શકનું નામ પણ હજુ જાહેર કરાયું નથી. 

સિદ્ધાંત ચતુર્વેદીને લાગલગાટ આ બીજો મોટો પ્રોજેક્ટ મળ્યો છે. હજુ તાજેતરમાં જ તે સંજય લીલા ભણશાળી પ્રોડક્શનની એક ફિલ્મ કરી રહ્યો હોવાનું જાહેર થયું છે. તેમાં તેની હિરોઈન મૃણાલ ઠાકુર છે.