કાર્તિક આર્યનની ભૂલભૂલૈયા થ્રીનું ટ્રેલર લોન્ચ અચાનક મુલત્વી

'ભૂલભૂલૈયા થ્રી'માં વિદ્યા બાલન સહિતના કલાકારો છે. માધુરી દિક્ષિત પણ તેમાં કેમિયો કરી રહી છે.

મુંબઈ: કાર્તિક આર્યન અને તૃપ્તિ ડિમરીની ફિલ્મ 'ભૂલભૂલૈયા થ્રી'નું ટ્રેલર લોન્ચ છેલ્લી ઘડીએ મુલત્વી રાખવામાં આવ્યું છે.  આ ટ્રેલરમાં કેટલાક ફેરફારો કરવા પડે તેમ હોવાથી તે મુલત્વી રાખવામાં આવ્યુ હોવાનું કહેવાય છે. જોકે, ટ્રેડ વર્તુળોના જણાવ્યા અનુસાર 'ભૂલભૂલૈયા થ્રીનો બોક્સ ઓફિસ પર અજય દેવગણની 'સિંઘમ અગેઈન' સાથે થવાનો છે. આથી 'ભૂલભૂલૈયા  થ્રી'ના સર્જકોએ પહેલાં 'સિઘમ અગેઈન'નું  ટ્રેલર રીલિઝ થાય ત્યાં સુધી રાહ જોવાનું નક્કી કર્યું છે. તેના ટ્રેલરને કેવો પ્રતિસાદ મળે છે તે જોવામાં આવશે અને ત્યાર બાદ 'ભૂલભૂલૈયા થ્રી'નું ટ્રેલર તેનાથી વધારે ધમાકેદાર બને તે રીતે ફેરફારો સાથે રીલિઝ કરવામાં આવશે. 

 'ભૂલભૂલૈયા થ્રી' અને 'સિંઘમ અગેઇન' બંને દિવાળીએ બોક્સ ઓફિસ પર ટકરાવાની છે. આ ફિલ્મો બોક્સ ઓફિસ પર એક જ દિવસે રીલિઝ ન થાય તે માટે સમાધાન કરાવવા બહુ પ્રયાસો થયા હતા. પરંતુ, બંને ફિલ્મોના સર્જકો પોતપોતાની તારીખો પર અડગ રહેતાં હવે મુકાબલો થવાનું  નિશ્ચિત બન્યું છે.