શાહીદ કપૂરની નવી ફિલ્મનું ટાઈટલ 'દેવા' જાહેર કરાયું

- ફિલ્મ આવતાં વર્ષે દશેરાએ રીલીઝ થશે  

- શાહીદની એક્શન થ્રીલરનો લૂક રજૂ કરાયો : પૂજા હેગડે આ ફિલ્મમાં તેની હિરોઈન

મુંબઇ : શાહીદ કપૂરની એક્શન થ્રીલર ફિલ્મ આવી રહી હોવાનું લાંબા સમયથી ચર્ચાતું હતું. હવે એવું સત્તાવાર જાહેર કરાયું છે કે ફિલ્મનું ટાઈટલ 'દેવા' હશે. ફિલ્મ આવતાં વર્ષે દશેરાએ રીલીઝ કરાશે. 

શાહીદે જાતે આ ફિલ્મનો લૂક સોશિયલ મીડિયા પર શેર કર્યો હતો. 

શાહિદે જોકે આ ફિલ્મના પોતાના પાત્ર વિશે ઝાઝી માહિતી આપી નથી. જોકે, તેને પોલીસ ગન સાથે દર્શાવાયો છે તે પરથી અંદાજ લગાવાઈ રહ્યો છે કે તે ફિલ્મમાં પોલીસ અધિકારીની ભૂમિકામાં હશે. 

સિદ્ધાર્થ રોય કપૂર આ ફિલ્મના  નિર્માતા છે. રોશન રોય એન્ડ્રૂઝની દિગ્દર્શક તરીકે આ પહેલી ફિલ્મ હશે. 

એક પછી એક ફલોપ ફિલ્મોના કારણે પૂજા હેગડેની કારકિર્દી જોખમાઈ ગઈ છે. હવે આ ફિલ્મમાં શાહીદની હિરોઈન તરીકે તેને મોટી તક મળી છે. આ ફિલ્મ પર તેની કારકિર્દીનો મોટો મદાર રહેશે.