VIDEO: '3 વર્ષથી બોલાવી રહ્યો છું, ક્યા હતા?...' કપિલ શર્માએ સુનિલ ગ્રોવરને કર્યો સવાલ, પછી જુઓ શું થયું

નવી મુંબઇ,તા. 1 માર્ચ 2024,શુક્રવાર

આ સમયે ટેલિવિઝન ઇનસ્ટ્રીના ફેમસ કૉમેડિયન  સુનીલ ગ્રોવર 'ધ કપિલ શર્મા શો'નો ભાગ હોય કે ન હોય પણ ડૉક્ટર ગુલાટીની ભૂમિકાને લગતા મેમ્સને કારણે સોશિયલ મીડિયા પર લોકપ્રિય રહે છે. આ દિવસોમાં સુનીલ ગ્રોવરનું નામ ફરી એકવાર ચર્ચામાં આવ્યુ છે. 

કૉમેડિયનના ચર્ચામાં આવવાનુ કારણ તેની આગામી વેબ સિરીઝ ‘સનફ્લાવર 2’ છે. આ દિવસોમાં સુનીલ વેબ સિરીઝ 'સનફ્લાવર 2'નું જોરશોરથી પ્રચાર કરી રહ્યો છે. સુનીલ ગ્રોવરની આ વેબ સિરીઝ ટૂંક સમયમાં OTT પ્લેટફોર્મ ZEE5 પર સ્ટ્રીમ કરવામાં આવશે. આ વેબ સિરીઝની સાથે તે ટૂંક સમયમાં નેટફ્લિક્સ પર કપિલ શર્મા સાથે કોમેડી શોમાં જોવા મળશે. 

વેબ સિરીઝના પ્રમોશન દરમિયાન સુનીલ ગ્રોવરે એક ઈન્ટરવ્યુમાં જણાવ્યું હતું કે કપિલ શર્મા સાથેની તેની લડાઈ એક પબ્લિસિટિ સ્ટંટ હતો. 

સુનીલ ગ્રોવરે ખુલાસો કર્યો 

એક ઈન્ટરવ્યુમાં સુનીલ ગ્રોવરને પૂછવામાં આવ્યું કે, શું 6 વર્ષ પહેલાની કપિલ સાથેની તેમની લડાઈ સોલ્વ થઇ ગઈ છે, કે પછી તેણે કપિલ શર્માને માફ કરી દીધો છે? 

આ સવાલના જવાબમાં અભિનેતાએ કહ્યું કે 'હા, અમારો શો આવી રહ્યો છે, ફરી એકવાર હું મારા એક્સ કો  સ્ટાર કોમેડિયન કપિલ શર્મા સાથે એ જ રીતે કામ કરવા જઈ રહ્યો છું. આ વખતે અમે કોમેડીને નવી રીતે રજૂ કરવાના છીએ. અમારી લડાઈ માત્ર પબ્લિસિટી સ્ટંટ હતી જેથી અમે અમારો નવો શો શરૂ કરી શકીએ. આ સમયે સુનીલ પોતાનું સંપૂર્ણ ધ્યાન ફક્ત તેની વેબ સિરીઝ અને તેના કામના પ્રમોશન પર જ રાખવા માંગે છે.

શું હતો સમગ્ર મામલો?

2017માં મેલબોર્ન ફ્લાઇટમાં સુનીલ ગ્રોવર અને કપિલ શર્મા વચ્ચે ઝઘડો થયો હતો. ફ્લાઈટમાં બંને કોમેડિયન વચ્ચેની આ લડાઈ બાદ કપિલ શર્માએ સુનીલ ગ્રોવરની માફી પણ માંગી હતી. કપિલ શર્માએ પોતાની પોસ્ટમાં લખ્યું હતું કે, 'પાઝી સુનીલ, જો મેં અજાણતામાં તમને કોઈપણ રીતે પરેશાન કર્યા હોય તો મને માફ કરી દેજો. તમને ખબર છે હું તમને કેટલો પ્રેમ કરું છું.

'સનફ્લાવર 2' ક્યારે રિલીઝ થશે?

વર્ષ 2021માં હવે 'સનફ્લાવર' સીરિઝની 'સનફ્લાવર 2' પણ મર્ડર મિસ્ટ્રી છે. આ વેબ સિરીઝમાં સુનીલ ગ્રોવર સોનુ નામના નિર્દોષ છોકરાનું પાત્ર ભજવતો જોવા મળશે. સુનીલ ગ્રોવરની આ વેબ સિરીઝ 1 માર્ચના રોજ Netflix પર સ્ટ્રીમ થશે.