હેન્ડપંપ નહીં, આ વખતે પંખો ઉખાડતા જોવા મળશે સની દેઓલ, જન્મદિવસે નવી ફિલ્મની જાહેરાત

Sunny Deol Jaat First Look Out: એક્શન લેજેન્ડ સની દેઓલ આજે એટલે કે 19મી ઓક્ટોબરના રોજ પોતાનો 67મો જન્મદિવસ ઉજવી રહ્યો છે. ત્યારે તેના ફેન્સ તેને બર્થડે વિશ કરી રહ્યા છે ત્યારે ગદર એક્ટરે તેના ફેન્સને રિટર્ન ગીફ્ટ આપી છે. 

'જાટ' ફિલ્મનો ફર્સ્ટ લૂક રિલીઝ કર્યો

સની દેઓલે તેના જન્મદિવસના અવસર પર તેની આગામી ફિલ્મ 'જાટ'નો ફર્સ્ટ લૂક રિલીઝ કર્યો છે. જેમાં તે હાથમાં હેન્ડપંપ નહીં પરંતુ એક મોટો પંખો પકડીને ગુસ્સામાં જોવા મળી રહ્યો છે. આ પોસ્ટ જોયા પછી, તેના ફેન્સ પણ પ્રતિક્રિયા આપી રહ્યા છે અને ઘણો પ્રેમ વરસાવી રહ્યા છે.

ગદર 2 ની સફળતા પછી, સની દેઓલે એક એક્શન ડ્રામા માટે તેલુગુ દિગ્દર્શક ગોપીચંદ માલિનેની સાથે કામ કર્યું છે. જેની સાથે અભિનેતાનું પહેલું કોલાબ છે. 

જાટની સ્ટાર કાસ્ટ

જાટમાં સની દેઓલ ઉપરાંત રણદીપ હુડ્ડા, સૈયામી ખેર અને રેજિના કેસાન્ડ્રા જેવા સ્ટાર્સ મહત્વની ભૂમિકામાં જોવા મળશે. આ એક્શન ફિલ્મમાં થમન એસ દ્વારા મ્યુઝિક આપવામાં આવ્યું છે. વર્ષ 2025માં રિલીઝ થતી આ ફિલ્મનું નિર્દેશન ગોપીચંદ દ્વારા કરવામાં આવ્યું છે. 

આ પણ વાંચો: કમાન્ડો સહિત 11 જવાન, 35થી વધુ બોડીગાર્ડ: લૉરેન્સની ધમકી બાદ આ રીતે થાય છે સલમાન ખાનની સુરક્ષા

સની દેઓલનું વર્ક ફ્રન્ટ

સની દેઓલ છેલ્લે 2023માં આવેલી ફિલ્મ ગદર 2માં જોવા મળ્યો હતો. આ ફિલ્મથી તેણે જોરદાર કમબેક કર્યું હતું. 'જાટ' સિવાય, અભિનેતા પાસે હાલમાં 'લાહોર 1947' નામની ફિલ્મ છે. રાજકુમાર સંતોષી દ્વારા નિર્દેશિત આ ફિલ્મને આમિર ખાન પ્રોડ્યુસ કરી રહ્યો છે. આ ફિલ્મમાં સની દેઓલ સાથે અભિનેત્રી પ્રીતિ ઝિન્ટા જોવા મળશે.