47 વર્ષના એક્ટરે પોતાનાથી અડધી ઉંમરની વિદેશી યુવતી સાથે કર્યા બીજા લગ્ન? શેર કર્યો ફોટો

Image: Instagram sahilkhan

નવી મુંબઇ, તા.19 ફેબ્રુઆરી 2024, સોમવાર 

ફિલ્મ 'સ્ટાઈલ' અને 'એક્સક્યુઝ મી'થી લોકપ્રિય બનેલા અભિનેતા સાહિલ ખાન વિશે એક મોટા સમાચાર આવી રહ્યા છે. તેમનો એક વીડિયો સોશિયલ મીડિયા પર સામે આવ્યો છે, જેમાં અભિનેતા પોતાના કરતાં અડધી ઉંમરની યુવતી સાથે રોમાન્સ કરતો જોવા મળી રહ્યો છે. કહેવામાં આવી રહ્યું છે કે, આ યુવતી બીજું કોઈ નહીં પણ સાહિલ ખાનની બીજી પત્ની છે.

સાહિલ ખાને પોતાના ઈન્સ્ટાગ્રામ એકાઉન્ટ પર ફોટો અને વીડિયો શેર કર્યા છે. આ વીડિયોમાં સાહિલ ખાને કહ્યું કે, “માય બ્યુટીફુલ વાઇફ.. “ વાયરલ વીડિયોમાં તમે જોઈ શકો છો કે, કેવી રીતે સાહિલ ખાન અને તેની વિદેશી પત્ની ગોલ્ફ કાર્ટમાં સમુદ્રની વચ્ચે બેઠા છે. લાગે છે કે સાહિલનો આ વીડિયો માલદીવના વેકેશનનો છે, જ્યાં કપલ લગ્નના બંધનમાં બંધાઈ ગયું છે.

એક્ટર સાહિલ ખાને વર્ષ 2003માં નિગાર ખાન સાથે લગ્ન કર્યા હતા. જો કે, તેમનો સંબંધ લાંબો સમય ટકી શક્યો નહીં અને વર્ષ 2005માં બંનેના છૂટાછેડા થઈ ગયા. 

સાહિલ ખાને વર્ષ 2001માં ફિલ્મ 'સ્ટાઈલ'થી બોલિવૂડ ઈન્ડસ્ટ્રીમાં ડેબ્યૂ કર્યું હતું. આ પછી, અભિનેતા 'એક્સક્યુઝ મી', 'ડબલ ક્રોસ', 'અલાદ્દીન' જેવી કેટલીક ફિલ્મોમાં જોવા મળ્યો પરંતુ તેની કારકિર્દીને વધુ સફળતા મળી નહીં. આ પછી અભિનેતાએ ઇન્ડસ્ટ્રી છોડી દીધી અને બિઝનેસમેન બની ગયો. હવે અભિનેતાએ એક કંપની બનાવી ,છે જે ફિટનેસ સપ્લીમેન્ટ્સનું ઉત્પાદન કરે છે. હાલમાં જ સમાચાર આવ્યા હતા કે, સાહિલ ફિલ્મોમાં કમબેક કરવા જઈ રહ્યો છે. હવે આ વાત સાચી છે કે માત્ર અફવા એ તો સમય જ કહેશે.