'સ્ત્રી 2' ની હરણફાળ, છઠ્ઠા અઠવાડિયે કમાયા આટલા કરોડ, વર્લ્ડવાઈડ કલેક્શન 800 કરોડને પાર

Image: Facebook

Stree 2 Box Office Collection: રાજકુમાર રાવ, શ્રદ્ધા કપૂર અને પંકજ ત્રિપાઠી સ્ટારર ફિલ્મ સ્ત્રી-2 ના રિલીઝને 45 દિવસ પૂરા થઈ ગયા છે પરંતુ આ ફિલ્મ હજુ પણ થિયેટરમાં ચાલી રહી છે. બોક્સ ઓફિસ પર ધૂમ મચાવનારી આ ફિલ્મ અત્યાર સુધી 500 કરોડ રૂપિયાથી વધુની કમાણી કરી ચૂકી છે. હજુ પણ તેનો ક્રેઝ ઘટી રહ્યો નથી. ગયા મહિને 15 ઓગસ્ટે રિલીઝ થયેલી ડાયરેક્ટર અમર કૌશિકની આ ફિલ્મ લોકોને હજુ પણ પસંદ આવી રહી છે. ફિલ્મે 41મા દિવસે 1.25 કરોડ રૂપિયાનું કલેક્શન કરીને તમામને ચોંકાવી દીધા છે.

ઓછા બજેટમાં મોટો ધમાકો 

લગભગ 60 કરોડ રૂપિયાના ઓછા બજેટમાં બનેલી આ ફિલ્મ બોક્સ ઓફિસ પર ધૂમ મચાવી રહી છે. ભારતમાં અત્યાર સુધી આ ફિલ્મનું કલેક્શન 580 કરોડ રૂપિયાને પાર પહોંચી ગયુ છે. એટલું જ નહીં ફિલ્મની વર્લ્ડવાઈડ કમાણી 825 કરોડ રૂપિયાથી પણ વધુની છે. આ વર્ષની આ અત્યાર સુધીની સૌથી મોટી હિંદી સુપરહિટ ફિલ્મ બની ગઈ છે. જોકે, આ વર્ષની સૌથી વધુ કમાણી કરનારી ફિલ્મનો રેકોર્ડ કલ્કિના નામે છે. પરંતુ કલ્કિ એક તમિલ ડાયરેક્ટર અને સ્ટારની ફિલ્મ છે. સ્ત્રી 2 બોલિવૂડ ફિલ્મ છે જેની ધૂમ મચેલી છે.

અમર કૌશિકના હોરર યુનિવર્સનો ભાગ છે સ્ત્રી-2

ડાયરેક્ટર અમર કૌશિકની ફિલ્મ સ્ત્રી-2 હોરર યુનિવર્સનો ભાગ છે. ગત વર્ષોમાં રિલીઝ થયેલી સ્ત્રી ફિલ્મે બોક્સ ઓફિસ પર ધૂમ મચાવી હતી. જે બાદ આ ફિલ્મનો બીજો ભાગ બનાવવામાં આવ્યો. જોકે આ દરમિયાન અમર કૌશિકે આ યુનિવર્સની એક ફિલ્મ 'ભેડિયા' બનાવી હતી. આ ફિલ્મમાં વરુણ ધવન અને કૃતિ સેનન લીડ રોલમાં નજર આવ્યા હતા. જોકે આ ફિલ્મ બોક્સ ઓફિસ પર કોઈ ખાસ કમાલ કરી શકી નહોતી. હવે સ્ત્રી-2 એ ધૂમ મચાવતાં મેકર્સને માલામાલ કરી દીધા છે.