વરુણ ધવનની ફિલ્મમાં શ્રી લીલાને હજુ સાઈન કરાઈ નથી

- શ્રીલીલાના બોલીવૂડ ડેબ્યૂ વિશે ગૂંચવાડો

- ફિલ્મનું શૂટિંગ શરુ થઈ ગયું છે પંરતુ કાસ્ટિંગ હજુ ફાઈનલ નહિ હોવાનો નિર્માતાનો ખુલાસો

મુંબઇ : સાઉથની એકટ્રેસ શ્રી લીલા વરુણ ધવન સાથેની એક ફિલ્મ દ્વારા બોલીવૂડમાં ડેબ્યૂ કરી રહી હોવાની ચર્ચાઓ હતી. જોકે, હવે નિર્માતાએ સ્પષ્ટતા કરી છે કે શ્રીલીલાને આ ફિલ્મ માટે હજુ સાઈન કરવામાં આવી નથી. વાસ્તવમાં  એવી અફવા ફેલાઈ હતી કે શ્રીલીલાએ આ ફિલ્મ છોડી દીધી છે.

 આ અફવા બાદ નિર્માતા રમેશ તૌરાણીએ સ્પષ્ટતા કરી હતી કે શ્રી લીલાને હજુ સાઈન કરી જ નથી એટલે તેના ફિલ્મ છોડી દેવાનો સવાલ જ નથી. 

તેમણે કહ્યું હતું કે ફિલ્મનું એક શિડયૂલ પૂર્ણ થઈ ચૂક્યું છે. પરંતુ, હજુ ઘણું કાસ્ટિંગ બાકી છે.  અન્ય કલાકારોની હવે પછી જાહેરાત કરાશે.