સાઉથના સુપરસ્ટારની ફિલ્મ થઈ સુપરફ્લોપ: 350 કરોડના ખર્ચ સામે 100 કરોડની પણ કમાણી નહીં

Image: Facebook

Kanguva: તમિલ સ્ટાર સૂર્યાની મચ અવેટેડ ફિલ્મ 'કંગુવા' ખૂબ હાઈપ બાદ થિયેટર્સમાં રિલીઝ થઈ હતી. જોકે શિવા દ્વારા નિર્દેશિત આ ફેન્ટેસી એક્શન ડ્રામાને ખૂબ નેગેટિવ રિવ્યૂ મળ્યા. આ સાથે આ ફિલ્મ બોક્સ ઓફિસ પર રિલીઝના પહેલા અઠવાડિયામાં જ ધ્વસ્ત થઈ ચૂકી છે. મેગા બજેટની કંગુવા ખૂબ મુશ્કેલથી કમાણી કરી રહી છે. 

કંગુવાએ 7 માં દિવસે કેટલી કરી કમાણી?

કંગુવાની સ્ટાર કાસ્ટ ખૂબ મોટી હતી. સાથે જ ફિલ્મને મોટા બજેટમાં બનાવવામાં આવી હતી. આ મૂવીનું એટલું પ્રમોશન કરવામાં આવ્યું હતું કે રિલીઝ પહેલા કંગુવાના બઝને જોતાં લાગી રહ્યું હતું કે આ ફિલ્મ થિયેટર્સમાં દસ્તક આપતાં જ ખૂબ કમાણી કરશે. જોકે ફિલ્મની કમજોર કહાની તેને લઈ ડૂબી. કંગુવાને ક્રિટિક્સ અને ઓડિયન્સથી ખૂબ નેગેટિવ રિવ્યૂ મળ્યા છે. આ સાથે આ મેગા બજેટ ફિલ્મ બોક્સ ઓફિસ પર પણ ધરાશાયી થઈ ચૂકી છે. ફિલ્મને રિલીઝ થયે એક અઠવાડિયું થઈ ગયુ છે પરંતુ આ 100 કરોડનું કલેક્શન પણ કરી શકી નથી.

કંગુવાની કમાણીની વાત કરીએ તો ફિલ્મે રિલીઝના પહેલા દિવસે 24 કરોડથી ખાતું ખોલ્યું હતું. બીજા દિવસે ફિલ્મની કમાણી 9.5 કરોડ રહી. ત્રીજા દિવસે ફિલ્મે 9.85 કરોડ, ચોથા દિવસે 10.25 કરોડ, પાંચમા દિવસે 3.15 કરોડ અને છઠ્ઠા દિવસે 3.25 કરોડનું કલેક્શન કર્યું. હવે ફિલ્મની રિલીઝના સાતમાં દિવસે એટલે કે પહેલા બુધવારની કમાણીના શરૂઆતી આંકડા આવી ગયા છે. રિપોર્ટ અનુસાર કંગુવાએ રિલીઝના સાતમાં દિવસે 2.40 કરોડનો બિઝનેસ કર્યો છે. આ સાથે કંગુવાની સાત દિવસની કુલ કમાણી હવે 62.40 કરોડ રૂપિયા થઈ ગઈ છે.

આ પણ વાંચો: વિક્કી કૌશલની છાવા આગામી ફેબ્રુઆરી પર ઠેલાય તેવી સંભાવના

કંગુવાની કમાણીએ મેકર્સને રડાવ્યા

કંગુવાની બોક્સ ઓફિસ પરફોર્મન્સ ખૂબ શરમજનક છે. આ ફિલ્મ રિલીઝના 7 દિવસોમાં લગભગ 60 કરોડની કમાણી કરી શકી છે. દરમિયાન 350 કરોડની સરેરાશમાં બનેલી આ ફિલ્મ માટે બજેટ કાઢવું અશક્ય છે. આ સાથે કંગુવા પર ફ્લોપનો ઠપ્પો લાગી ગયો છે.

ફિલ્મની રિલીઝ પહેલા નિર્માતા કેઈ જ્ઞાનવેલ રાજાએ વિશ્વાસ વ્યક્ત કર્યો હતો કે કંગુવા રેકોર્ડ તોડી દેશે અને સમગ્ર દુનિયામાં 2,000 કરોડ રૂપિયાથી વધુની કમાણી કરશે. તેમણે એ પણ ભવિષ્યવાણી કરી હતી કે આ ફિલ્મ આરઆરઆર, બાહુબલી અને કેજીએફ જેવી બ્લોકબસ્ટર ફિલ્મોની કેટેગરીમાં સામેલ થઈને 1,000 કરોડ રૂપિયાનો આંકડો પાર કરનારી પહેલી તમિલ ફિલ્મ હશે. જોકે ફિલ્મની કમાણી હવે મેકર્સને રડાવી રહી છે. હવે આની સિક્વલ પર પણ શંકાના વાદળ ઘેરાઈ રહ્યાં છે. 

કંગુવા સ્ટાર કાસ્ટ

કંગુવામાં સૂર્યાએ લીડ રોલ પ્લે કર્યો છે. ફિલ્મમાં બોબી દેઓલ વિલનના પાત્રમાં છે. સપોર્ટિંગ એક્ટર્સમાં દિશા પટાની, નટરાજન સુબ્રમણ્યમ, જગપતિ બાબુ, યોગી બાબુ, રેડિન કિંગ્સલે, કોવઈ સરલા અને આનંદ સામેલ છે.