મધુબાલાની બાયોપિકમાં વિલંબ થતાં સોની પિકચર્સને નોટિસ

- મધુબાલાનો પરિવાર વિલંબથી ભારે નારાજ

- પરિવાર પાસેથી બાયોપિક બનાવવાના રાઈટ્સ ખરીદાયાના બે વર્ષે પણ કોઈ પ્રગતિ નહિ

મુંબઈ : મધુબાલાની બાયોપિક બનાવવામાં વિલંબ થતાં મધુબાલાના પરિવારે સોની પિકચર્સને નોટિસ ફટકારી છે. બે વર્ષ પહેલાં સોની પિકચર્સએ મધુબાલાના પરિવાર પાસેથી બાયોપિક માટે રાઈટ્સ લીધા હતા. 

જોકે, તે પછી આ બાયોપિકમાં કોઈ પ્રગતિ થઈ નથી. 

મધુબાલાનાં બહેન મધુર બ્રિજ ભૂષણે કહ્યું હતું  કે સમગ્ર પરિવાર મધુબાલાની યાદમાં કશુંક વિશેષ કરવા માગે છે પરંતું આ ફિલ્મ બનાવવામાં થયેલા વિલંબથી અમે બહુ વ્યથિત છીએ. અમે સોની પિક્ચર્સને નોટિસ ફટકારીને પૂછ્યું છે કે તે ખરેખર આ ફિલ્મ બનાવવાનો ઈરાદો ધરાવે છે કે નહિ. એકથી વધુ ફિલ્મ સર્જકોએ મધુબાલાની બાયોપિક બનાવવામાં રસ દાખવ્યો હતો  પરંતુ મધુબાલાના પરિવારજનોએ આગ્રહ સેવ્યો હતો  કે તેમના દ્વારા અધિકૃત ન કરવામાં આવે ત્યાં સુધી કોઈ વ્યક્તિ મધુબાલાની બાયોપિક નહિ બનાવી શકે.