શોભિતા ધુલિપાલાની દેવ પટેલ સાથે હોલીવૂડમાં એન્ટ્રી

- મંકી મેન ફિલ્મનું  ટ્રેલર રીલીઝ થયું

- ભારતના બેકગ્રાઉન્ડ પર બનેલી ફિલ્મનું દિગ્દર્શન પણ ખુદ દેવ દેવ પટેલે કર્યું છે

મુંબઈ : ઓટીટીના સંખ્યાબંધ શો દ્વારા ભારતમાં લોકપ્રિય બની ચુકેલી હિરોઈન શોભિતા ધુલિપાલાએ હોલીવૂડમાં એન્ટ્રી કરી છે. તેની પહેલી  હોલીવૂડ ફિલ્મ 'મંકી મેન'નું ટ્રેલર તાજેતરમાં રીલીઝ કરવામાં આવ્યું છે. 

'સ્લમડોગ મિલિયોનર' ફિલ્મથી જાણીતો દેવ પટેલ આ ફિલ્મમાં શોભિતાનો સહકલાકાર છે . આ ફિલ્મનો પ્રોડયૂસર અને ડાયરેક્ટ પણ દેવ પટેલ પોતે જ છે. 

ફિલ્મની વાર્તા ભારતીય બેકગ્રાન્ડની છે. 'મંકી મેન' નામ પરથી તેની પ્રેરણા હનુમાનજી પરથી લેવામાં આવી હોવાનું પણ કહેવાય છે. 

શોભિતાએ જાતે સોશિયલ મીડિયા પર આ ટ્રેલર પોસ્ટ કર્યું હતું. તે પછી અનુરાગ કશ્યપ, હોલીવૂડના ભારતીય અભિનેતા આદર્શ ગૌરવ તથા અન્ય હસ્તીઓએ તેને હોલીવૂડ ડેબ્યૂ માટે અભિનંદન પાઠવ્યાં હતાં. 

'મેડ ઈન હેવન' સીરીઝથી લાઈમલાઈટમાં આવેલી શોભિતા બાદમાં 'ધી નાઈટ મેનેજર' વેબ સીરીઝથી પણ બહુ લોકપ્રિય બની છે. સામંથા રુથ પ્રભૂના એક્સ હસબન્ડ નાગા ચૈતન્ય સાથે તે રિલેશનશિપમાં હોવાનું પણ મનાય છે.