“બેસ્ટ પાર્ટનર બનવા માટે આભાર” : સિદ્ધાર્થે ફર્સ્ટ વેંડિગ એનિવર્સરી પર પત્ની માટે લખી સ્પેશયલ નોટ

નવી મુંબઇ,તા. 7 ફેબ્રુઆરી 2024, બુધવાર 

બોલિવૂડના સુંદર કપલમાંથી એક છે. આજે આ કપલ તેમની પ્રથમ લગ્નની વર્ષગાંઠ ઉજવી રહ્યું છે. આ અવસર પર દરેક લોકો સિદ્ધાર્થ અને કિયારાને અભિનંદન આપી રહ્યા છે. સિદ્વાર્થે પત્ની કિયારાને આ ખાસ અંદાજમાં વિશ કર્યું છે.  

સિદ્ધાર્થે વેડિંગ એનિવર્સરી પર પત્ની કિયારા માટે લખી આ ખાસ નોટ

સિદ્ધાર્થ મલ્હોત્રાએ પોતાના ઈન્સ્ટાગ્રામ પર એક તસવીર પોસ્ટ કરી છે. આ તસવીરમાં તે અને કિયારા ઘોડા પર સવારી કરતા જોવા મળી રહ્યા છે. ફોટામાં બંનેના ચહેરા દેખાતા નથી પરંતુ સૂર્યપ્રકાશને કારણે તેમની તસવીર ખૂબ જ સુંદર લાગી રહી છે. આ તસવીરમાં કિયારાએ સફેદ ટોપ પહેર્યું છે, જ્યારે સિદ્ધાર્થ પણ તેના લેડી લવ સાથે ટ્વિનિંગ કરી રહ્યો છે.

આ તસવીર પોસ્ટ કરતાં અભિનેતાએ લખ્યું કે,- 'કોઇ સફર કે મંજીલ નહી પણ કંપની મહત્વપૂર્ણ છે. આ ક્રેઝી લાઇફમાં એક બહેતરીન પાર્ટનર બનવા બદલ તમારો ખૂબ ખૂબ આભાર. હેપી એનિવર્સરી માય લવ. 

મહત્વનું છેકે, આ કપલના લગ્ન વર્ષ 2023માં 7મી ફેબ્રુઆરીના રોજ ઉદયપુરમાં શાહી અંદાજમાં થયા હતા. સિદ્ધાર્થ અને કિયારાના લગ્નમાં માત્ર કેટલાક ખાસ લોકોએ હાજરી આપી હતી. પરંતુ તેના ભવ્ય રિસેપ્શનમાં બોલિવૂડની અનેક હસ્તીઓએ હાજરી આપી હતી. આ કપલના લગ્નનું રિસેપ્શન ટોક ઓફ ધ ટાઉન હતું.

સિદ્ધાર્થ અને કિયારાનું વર્ક ફ્રન્ટ

વર્ક ફ્રન્ટની વાત કરીએ તો, સિદ્ધાર્થ મલ્હોત્રા હાલમાં જ વેબ સિરીઝ ઈન્ડિયન પોલીસ ફોર્સમાં જોવા મળ્યો છે. આ શ્રેણી Jio સિનેમા પર સ્ટ્રીમ થઈ રહી છે. આ શોમાં તેની સાથે શિલ્પા શેટ્ટી અને વિવેક ઓબેરોય પણ મહત્વના રોલમાં છે. જ્યારે કિયારા અડવાણી છેલ્લે સત્યપ્રેમ કી કથા ફિલ્મમાં જોવા મળી હતી. આ ફિલ્મમાં તેની જોડે કાર્તિક આર્યન હતો. ફિલ્મમાં કિયારા અને કાર્તિકની જોડી ચાહકોને પસંદ આવી હતી. આ પહેલા બંને ભુલ-ભૂલૈયા ફિલ્મમાં સાથે જોવા મળ્યા હતા.