સિદ્ધાર્થ અને જાહ્નવીની પરમસુંદરીમાં નોર્થ-સાઉથ કપલની વાસી સ્ટોરી

- નોર્થનો સિદ્ધાર્થ સાઉથની જાહ્નવીના પ્રેમમાં પડે તેવી વાર્તા

- ટૂ  સ્ટેટ્સ  થી માંડીને ચેન્નઈ એક્સપ્રેસ સહિતની ફિલ્મોમાં આ ફોર્મ્યૂલા આવી ચૂકી છે

મુંબઈ : સિદ્ધાર્થ મલ્હોત્રા અને જાહ્નવી કપૂરની ફિલ્મ 'પરમ સુંદરી' નોર્થ ઈન્ડિયાન છોકરો સાઉથ ઈન્ડિયાની છોકરીના પ્રેમમાં પડે અને પછી તેમની પ્રેમ કહાનીમાં  સંઘર્ષ ઊભો થાય તેવી જૂની અને ચવાયેલી ફોર્મ્યૂલા પર જ આધારિત હોવાનું ચર્ચાઈ રહ્યું છે. 

આ ફિલ્મમાં સિદ્ધાર્થને દિલ્હીના એક સમૃદ્ધ બિઝનેસમેન પરિવારના યુવક તરીકે દર્શાવાશે જ્યારે  જાહ્નવી કેરળની એક આર્ટિસ્ટ યુવતી તરીકેનો રોલ કરવાની છે. બંને વચ્ચેનાં કલ્ચરના તફાવતોના કારણે સંબંધોમાં  સંઘર્ષ ઊભો થાય છે તેવી ફિલ્મની વાર્તા છે. 

બોલીવૂડમાં આ પ્રકારની વાર્તા ધરાવતી અનેક ફિલ્મો આવી ચૂકી છે. આલિયા ભટ્ટની ફિલ્મ 'ટૂ સ્ટેટ્સ'માં પણ આ  જ સ્ટોરી હતી.

 દીપિકા પદુકોણ અને શાહરુખ ખાનની 'ચેન્નઈ એક્સપ્રેસ'માં પણ આવી જ વાર્તા હતી. આલિયા ભટ્ટની તાજેતરની ફિલ્મ 'રોકી ઔર રાની કી પ્રેમ કહાની'માં પણ બે રાજ્યોનાં કલ્ચરના કારણે પ્રેમી યુગલના  સંબંધોમાં સર્જાતી મુશ્કેલીઓની જ વાત હતી. 

સિદ્ધાર્થે એક્શન હિરો તરીકે સેટ થવા પ્રયાસ કર્યા હતા. પરંતુ તેની દાળ ગળી ન હતી. આથી, તે ફરી રોમાન્ટિક હિરો તરીકેના રોલ કરવા માંડયો છે. 'પરમસુંદરી' તેની અને જાહ્નવીની જોડી હોય તેવી પહેલી ફિલ્મ હશે.