પુષ્પા ટૂમાં શ્રદ્ધા કપૂરનું હોટ આઈટમ સોંગ હશે

- સ્ત્રી-ટુ પછી શ્રદ્ધાની ડિમાન્ડ વધી ગઈ

- પુષ્પામાં સામંથા રુથ પ્રભુનું આઈટમ સોંગ બહુ લોકપ્રિય બન્યું હતું

મુંબઇ : અલ્લુ અર્જુનની 'પુષ્પા ટૂ'માં  શ્રદ્ધા કપૂર હોટ આઈટમ સોંગ કરશે તેવી ચર્ચા છે. ફિલ્મના પહેલા ભાગમાં સામંથા રુથ પ્રભુનું અંટવા સોંગ ભારે લોકપ્રિય થયું હતું. તે પછી 'પુષ્પા ટૂ'માં આઈટમ સોંગ કોને ફાળે જાય છે તે અંગે  લાંબા સમયથી ચર્ચાઓ ચાલતી હતી. હવે નવી ચર્ચા અનુસાર શ્રદ્ધા આ સોંગ કરવાની છે. જોકે, આ વાતને હજુ કોઈ સત્તાવાર સમર્થન મળ્યું નથી. સામંથાએ તે વખતે આઈટમ સોંગ માટે પાંચ કરોડ રૂપિયા ચાર્જ કર્યાહતા. હવે શ્રદ્ધાની લોકપ્રિયતા 'સ્ત્રી ટૂ' પછી અનેક ગણી વધી હોવાથી તે આ સોંગ માટે સામંથા કરતાં વધારે ફી લેશે તેમ માનવામાં આવે છે. આ ફિલ્મ આગામી ડિસેમ્બરે રીલિઝ થવાની છે. તેમાં અલ્લુ અર્જુન સાથે રશ્મિકા મંદાના  મુખ્ય ભૂમિકામાં છે. 

ઉલ્લેખનીય છે કે 'સ્ત્રી' અને 'સ્ત્રી ટૂ'માં શ્રદ્ધા કપૂર મુખ્ય ભૂમિકામાં હતી પરંતુ 'સ્ત્રી'માં નોરા ફતેહી અને 'સ્ત્રી ટૂ'માં તમન્ના  ભાટિયાનું આઈટમ સોંગ  લોકપ્રિય બન્યું હતું.