શોભિતા ધુલિપાલાએ બોયફ્રેન્ડ નાગા ચૈતન્ય સાથે યુરોપમાં બર્થ ડે મનાવ્યો

- સામંથાના એક્સ હસબન્ડ સાથે ડેટિંગ કન્ફર્મ

- શોભિતા અને નાગા ચૈતન્ય અન્ય પર્યટકો સાથે વાઈન ચાખતા હોવાના ફોટા વાયરલ

મુંબઇ : શોભિતા ધુલિપાલા પોતાના ૩૨મા જન્મદિવસની ઊજવણી કરવા પ્રેમી નાગા ચૈતન્ય સાથે યુરોપ પહોંચી ગઇ છે. અભિનેત્રીનો જન્મદિવસ ૩૧ મેના રોજ હતો. સોશયલ મીડિયાપર વાયરલ થયેલી તસવીરમાં તે અને નાગા ચૈતન્ય અન્ય પર્યટકો સાથે વાન ચાખતા જોવા મળ્યાહતા. 

શોભિતા અને નાગા ચૈતન્ય ડેટ કરીરહ્યા હોવાની ચર્ચા લાંબા સમયથી છે. જોકે , આ પ્રેમી યુગલે જાહેરમાં પ્રેમનો સ્વીકાર કર્યો નથી. હાલ શોભિતા અને નાગા ચૈતન્ય યુરોપમાં રોમેન્ટિક વેકેશન માણી રહ્યા હોવાનું જોવા મળ્યું છે. 

નાગા ચૈતન્ય  સાઉથની હોટ હિરોઈન સામંથા રુથ પ્રભુનો એક્સ હસબન્ડ છે. બંને વચ્ચે છૂટાછેડા બાદ નાગા ચૈતન્ય અને શોભિતા વચ્ચે અફેર ચાલી રહ્યું હોવાની અફવા લાંબા સમયથી છે. બંને અવારનવાર સાથે વેકેશન માણતા હોય તેવી તસવીરો વાયરલ થઈ ચૂકી છે.