જેલમાંથી મુક્ત થયાના 2 મહિના બાદ એક્ટર શીઝાન ખાન નાના પડદા પર આ શોથી કરશે કમબેક

-શીઝાન ખાન 'ખતરો કે ખિલાડી 13'માં જોવા મળશે.

નવી મુંબઇ,તા. 29 એપ્રિલ 2023, શનિવાર 

અભિનેતા શીઝાન ખાન જેલમાંથી મુક્ત થયા બાદ ટૂંક સમયમાં જ નાના પડદા પર કમબેક કરવા જઈ રહ્યો છે.  શીઝાન ખાન પર ટીવી એકટ્રેસ તૂનિષા શર્માને આત્મહત્યા માટે ઉશ્કેરવાનો આરોપ હતો.

શીઝાન છેલ્લે 'અલી બાબા: દાસ્તાન ઈ કાબુલ' માં જોવા મળ્યો હતો. તે લગભગ અઢી મહિના જેલમાં રહ્યો હતો. તે માર્ચમાં જ જેલમાંથી બહાર આવ્યો હતો અને હવે ચર્ચા છે કે, શીઝાન ખાન 'ખતરો કે ખિલાડી 13'માં જોવા મળશે.

ખતરોં કે ખિલાડી 13માં જોવા મળશે શીજાન!

મળતી માહિકતી પ્રમાણે એક્ટર શીઝાન ખાન રોહિત શેટ્ટીના સ્ટંટ આધારિત શો 'ખતરો કે ખિલાડી 13'માં એક્શન બતાવશે. તેની સામે કેસ ચાલી રહ્યો છે, જેના કારણે તેના દેશ બહાર પ્રવાસ પર પ્રતિબંધ લગાવી દેવામાં આવ્યો છે. આ શો માટે તેણે કોર્ટમાં અરજી કરીને ભારતની બહાર જવાની પરવાનગી માંગી છે.

એક અહેવાલ મુજબ, એક સૂત્રએ કહ્યું કે, “હા, શીઝાન ખાન સાથે વાતચીત ચાલી રહી છે અને અમને ખાતરી છે કે, તે આ સિઝનનો ભાગ બનશે. શિઝાને હાઈકોર્ટમાં પણ પોતાની મુસાફરી અને અન્ય દસ્તાવેજોને લગતી અરજી દાખલ કરી છે.

રિપોર્ટ અનુસાર આ મામલાની સુનાવણી આજે એટલે કે, 29 એપ્રિલ 2023ના રોજ થશે. હજુ સુધી ન તો શીજાન કે તેના વકીલ શૈલેન્દ્ર મિશ્રાએ આ મામલે કોઈ પ્રતિક્રિયા આપી નથી.

મેના છેલ્લા સપ્તાહમાં અથવા જૂનના પહેલા સપ્તાહમાં તમામ સ્પર્ધકો KKK 13ના શૂટિંગ માટે આર્જેન્ટિના જવા રવાના થશે. ખતરો કે ખેલાડી શોમાં નાયરા બેનર્જી, અર્ચના ગૌતમ, શિવ ઠાકરે, અંજુમ ફકીહ, રૂહી ચતુર્વેદી, અરિજિત તનેજા, અંજલિ આનંદ, શરદ મલ્હોત્રા, મુનાવર ફારૂકી, પ્રિન્સ નરુલા અને અંજલી અરોરા જેવા સેલેબ્સના નામ સામે આવી રહ્યા છે.

આ આરોપો શીઝાન ખાન પર લગાવવામાં આવ્યા હતા

'અલી બાબા'ના લીડ સ્ટાર્સ શીજાન અને તુનીશા રિલેશનશિપમાં હતા. તુનીષાની માતાએ આરોપ લગાવ્યો કે,  શીઝાન ખાન તેની સાથે છેતરપિંડી કરી રહ્યો છે. જ્યારે તુનિષાને આ વાતની ખબર પડી ત્યારે શીજાને તેની સાથે સંબંધ તોડી નાખ્યો હતો. જેના કારણે તુનિષા ખૂબ જ નારાજ હતી અને તેણે અલી બાબાના સેટ પર ફાંસી લગાવી લીધી હતી. શીજાનને લગભગ અઢી મહિના જેલમાં રહેવું પડ્યું. માર્ચના પ્રથમ સપ્તાહમાં તે જેલમાંથી મુક્ત થયો હતો.