Video: નારાજગીની અફવાઓ વચ્ચે ભાવિ જમાઈ સાથે શત્રુઘ્ન સિન્હા જોવા મળ્યા

Shatrughan Sinha posed with Zaheer Iqbal: હાલ બોલિવૂડ અભિનેત્રી સોનાક્ષી સિન્હા અને ઝહીર ઈકબાલના લગ્નની ચર્ચાઓ ખૂબ ચાલી રહી છે. બંને 23 જૂને લગ્ન કરવા જઈ રહ્યા છે. સોનાક્ષી સિન્હા અને ઝહીર ઈકબાલના લગ્નને લઈને નારાજગીના અહેવાલો વચ્ચે શત્રુઘ્ન સિન્હા તેમના ભાવિ જમાઈ સાથે જોવા મળ્યા હતા. આ બંનેનો વીડિયો ઈન્ટરનેટ પર ઝડપથી વાયરલ થઈ રહ્યો છે, જેમાં તેઓ ખુશ જોવા મળી રહ્યા છે.

શત્રુઘ્ન સિન્હા તેમના ભાવિ જમાઈ સાથે જોવા મળ્યા

શત્રુઘ્ન સિન્હાએ સ્પષ્ટ કર્યું છે કે તેઓ સોનાક્ષીના લગ્નથી ખુશ છે અને તે લગ્નમાં હાજરી પણ આપશે. શત્રુઘ્ન હાલમાં જ તેના ભાવિ જમાઈ ઝહીર ઈકબાલ સાથે જોવા મળ્યા હતા. હવે બંનેના ઘણા વીડિયો અને ફોટો સોશિયલ મીડિયા પર વાયરલ થઈ રહ્યા છે, જેમાં ઝહીર તેના ભાવિ સસરા સાથે પોઝ આપતો જોવા મળે છે.

વીડિયો વાયરલ થઈ રહ્યો છે

ગઈ કાલે સાંજે શત્રુઘ્ન સિન્હા પત્ની પૂનમ સિન્હા સાથે ઝહીરના ઘરે પહોંચ્યા હતા. શત્રુઘ્ને ઘરની બહાર નીકળતી વખતે ઝહીર સાથે પોઝ પણ આપ્યા હતા. તેમજ શત્રુઘ્ન અને ઝહીર બંને ખુશ પણ લાગતા હતા. હવે બંનેને આ રીતે સાથે જોઈને એ સ્પષ્ટ થઈ ગયું છે કે સોનાક્ષીનો પરિવાર પણ તેમના લગ્નથી ખુશ છે.

View this post on Instagram

A post shared by Viral Bhayani (@viralbhayani)

લગ્ન પહેલા 20 જૂનની રાત્રે સોનાક્ષી અને ઝહીર મુંબઈમાં એક જ લોકેશન પર કેઝ્યુઅલ લુકમાં સાથે જોવા મળ્યા હતા. પાપારાઝી સોનાક્ષી સાથે વાત કરવાનો પ્રયાસ કર્યો, પરંતુ અભિનેત્રીએ જવાબ આપ્યો ન હતો. તે ખૂબ જ વ્યસ્ત  દેખાતી હતી. 

23મી જૂને છે લગ્ન 

સોનાક્ષી અને ઝહીર છેલ્લા 7 વર્ષથી એકબીજા  સાથે રિલેશનશિપમાં છે. જયારે હવે તેઓ 23 જૂને લંગ કરી રહ્યા છે. સોનાક્ષી-ઝહીરના લગ્ન મુંબઈમાં થશે. આ ખાસ અવસર પર બોલિવૂડની ઘણી જાણીતી હસ્તીઓને આમંત્રણ આપવામાં આવ્યું છે.