એરપોર્ટ પર ગોવિંદાના ડુપ્લિકેટને જોઈને પત્ની સુનીતા થઈ ગઈ કન્ફ્યુઝ કહ્યુ, 'કાર્બન કોપી છે આ બંને'

મુંબઈ, તા. 06 નવેમ્બર 2022, રવિવાર

ગોવિંદા શનિવારે તેની પત્ની સુનીતા આહુજા સાથે મુંબઈ એરપોર્ટ પર જોવા મળ્યો હતો. સોશિયલ મીડિયા પર વાયરલ થઈ રહેલા વીડિયોમાં જોઈ શકાય છે કે ગોવિંદા તેની કારમાંથી બહાર નીકળે છે અને તેના ડુપ્લિકેટને મળે છે. વિડિયોમાં તેના ડુપ્લિકેટે તેના પગને સ્પર્શ કર્યો અને તેને ફૂલોનો ગુલદસ્તો આપ્યો. તેમને એકસાથે જોઈને પત્ની સુનીતાએ પાપારાઝીને કહ્યું, 'આ બંને કાર્બન કોપી છે.' ગોવિંદા અને તેના ડુપ્લિકેટનો વીડિયો સોશિયલ મીડિયા પર ઝડપથી વાયરલ થઈ રહ્યો છે. બંને સનગ્લાસ પહેરેલા જોવા મળ્યા હતા.

જ્યાં અભિનેતાએ બ્લેક પેન્ટ અને મેચિંગ સ્ટોલ સાથે બ્લેક શર્ટ પહેર્યો હતો ત્યારે તેના ડોપલગેંગરે લાલ પેન્ટસૂટ અને વ્હાઈટ શર્ટ પહેર્યો હતો. વીડિયોમાં ગોવિંદાનો ડુપ્લિકેટ તેને હિન્દીમાં કહેતો સંભળાય છે કે, સર હું તમને ઘણા વર્ષો પહેલા મળ્યો હતો. પછી તેણે તેના મોબાઈલ ફોન પર તેમની એકસાથેની જૂનીતસવીર બતાવી જે 23 વર્ષ પહેલા ક્લિક કરવામાં આવી હતી. અભિનેતાએ જવાબ આપ્યો અને કહ્યું- ખૂબ જ સુંદર.

તમને જણાવી દઈએ કે, ગોવિંદા અને સુનીતા આહુજા તેમની પુત્રી ટીના આહુજા સાથે તાજેતરમાં સિંગિંગ રિયાલિટી શો ઈન્ડિયન આઈડલ 13માં ગેસ્ટ તરીકે જોવા મળ્યા હતા. ગોવિંદા અને સુનીતા 11 માર્ચ 1987ના રોજ લગ્નના બંધનમાં બંધાયા હતા. તેઓ પુત્રી ટીના આહુજા અને પુત્ર યશવર્ધનના માતા-પિતા છે. ટીનાએ 2015માં 'સેકન્ડ હેન્ડ હસબન્ડ' સાથે બોલિવૂડમાં એન્ટ્રી કરી હતી. ગોવિંદાએ 1986ની ફિલ્મ 'ઈલઝામ'થી બોલિવૂડમાં પોતાની શરૂઆત કરી હતી અને ત્યારથી તે 165થી વધુ હિન્દી ફિલ્મોમાં નજર આવ્યા છે.