સારા બોયફ્રેન્ડ સાથે કેદારનાથ બાદ રાજસ્થાન ફરવા ગઈ

- બંનેએ એક જ હોટલના ફોટા શેર કર્યા

- સારા અને અર્જુન પ્રતાપ બાજવા ડેટ કરી  રહ્યાં હોવાની લાંબા સમયથી ચર્ચાઓ

મુંબઇ : સારા અલી ખાન અને મોડેલ અર્જુન પ્રતાપ બાજવા ડેટ કરી રહ્યા હોવાની ચર્ચાને ફરી વેગ મળ્યો છે. બન્ને જણા રાજસ્થાનની એક શાનદાર હોટલમાં  સાથે  હોવાનું તેમની સોશિયલ મીડિયા તસવીરો પરથી પુરવાર થયું છે.બંનેએ અલગ-અલગતસવીરો શેર કરી હતી. પરંતુ સોશ્યલ મીડિયાના યૂઝર્સએ તેઓ એક જ હોટલમાં હોવાનું પારખી લીધું હતું. 

સારા અલી ખાને આસપાસના કુદરતી સૌંદર્યની તસવીરો પોસ્ટ કરી હતી. અર્જુને હોટલનાં જિમની તસવીરો મૂકી હતી. 

સારાઅલી ખાન અર્જુન પ્રતાપ બન્ને વખત કેદારનાથના દર્શને સાથે ગયા હતા ત્યારથી તેમના સંબંધોની ચર્ચા ચાલી રહી છે. બન્નેએ અલગ અલગ રીતે પોત -પોતાની કેદારનાથથી તસવીરો શેર કરી હતી. 

મોડલ અર્જુન પ્રતાપ બાજવા એક રાજકીય પરિવારમાંથી આવે છે. જોકે, સારા અને અર્જુને હજુ સુધી તેમના સંબંધો કન્ફર્મ કર્યા નથી. 

સારાનું નામ અગાઉ સુશાંત સિંહ રાજપૂત તથા કાર્તિક આર્યન  સહિતના કલાકારો સાથે સંકળાઈ ચૂક્યું છે.