સારા અલી ખાને ગોવામાં ભાજપ નેતાના પુત્ર સાથે વેકેશન માણ્યું, વીડિયો વાઇરલ

Sara Ali Khan with  Arjun Pratap Bajwa : બોલિવૂડ અભિનેત્રી સારા અલી ખાન હાલમાં તેની ફિલ્મ 'સ્કાઈ ફોર્સ' લઈને ચર્ચામાં છે. જો કે દર્શકોએ તેના પરફોર્મન્સને કંઈ ખાસ પસંદ કર્યું નથી. આ દરમિયાન સારા અલી ખાન કોઈ વ્યક્તિને ડેટિંગ કરી રહી છે. તે ચર્ચાએ જોર પકડ્યું છે. જો કે હજુ સુધી સારાએ પોતાના રિલેશનશીપની સત્તાવાર જાહેરાત કરી નથી. હકીકતમાં સારા અર્જુન બાજવાને ડેટ કરી રહી છે તેવી અફવા ઊડી રહી છે. જો કે તેઓએ આ અફવાઓની નકારી કાઢી હતી. હાલમાં જ રાજસ્થાનમાં ફરતા બંનેની તસવીરો સોશિયલ મીડિયા પર વાઈરલ થઇ રહી છે.          

 ગોવામાં સ્પોટ થયા સારા અને અર્જુન

સોશિયલ મીડિયા પરના એક વીડિયોમાં સારા અને અર્જુન સાથે જોવા મળી રહ્યા છે. દાવો કરવામાં આવી રહ્યો છે કે આ વીડિયો ગોવાનો છે. જ્યાં બંને રજાઓ માણવા ગયા છે. આ વીડિયોમાં સારા અલી ખાન વ્હાઈટ ટીશર્ટની સાથે ડેનીમ શોર્ટ્સમાં જોવા મળી હતી. જયારે વ્હાઈટ ટીશર્ટ અને પેન્ટમાં અર્જુન બાજવા જોવા મળ્યો હતો. સારા અર્જુન પાસે આવે છે અને તેના કમર પર હાથ રાખીને કંઈક કહેતી હોય તેવું જોવા મળી રહ્યું છે. વીડિયો કોઈ કાફેમાં શૂટ કરવામાં આવ્યો હોય તેવું લાગી રહ્યું છે. આ વીડિયોમાં સારા અલી ખાન અને અર્જુન બાજવા વચ્ચે નિકટતા સ્પષ્ટપણે દેખાઈ રહી છે. આ જોઇને લાગી રહ્યું છે કે બંને વચ્ચે નજીકના સંબંધો છે. હવે આ વીડિયો પર લોકો પોતાની પ્રતિક્રિયા આપી રહ્યા છે. એક વ્યક્તિએ લખ્યું હતું કે, 'આ અર્જુન બાજવા છે કે બીજું કોઈ?' અન્ય વ્યક્તિએ કહ્યું હતું કે, 'અરે આ તો એ જ છોકરો છે કે જેની સાથે સારા કેદારનાથ ગઈ હતી.'   

અગાઉ કેદારનાથના દર્શન કરવા સાથે ગયા હતા બંને

થોડા દિવસો પહેલા અર્જુન બજાવાએ બધી અટકળોની નકારી દીધી હતી. પરંતુ હવે વાઈરલ થયેલા આ વીડિયોને લીધે તેમના વચ્ચેના સંબંધોને લઈને ચર્ચાએ જોર પકડ્યું છે. અગાઉ ડિસેમ્બરમાં બંને એક જ સમયે રાજસ્થાનમાં રજાઓ માણતા જોવા મળ્યા હતા. જો કે બંનેએ સાથે એક પણ તસવીર શેર કરી ન હતી. આ પહેલા પણ બંને કેદારનાથના દર્શન કરવા ગયેલા હતા અને તેની તસવીર અને વીડિયો સોશિયલ મીડિયા પણ વાઈરલ થયા હતા. 

આ પણ વાંચો : ટ્રમ્પની કાર્યવાહી પર ધ્રુસકે ધ્રુસકે રડી સેલેના ગોમેઝ, કહ્યું- મારા લોકો પર હુમલો છતાં હું કશું નથી કરી શકતી

કોણ છે અર્જુન બાજવા?

સારા અલી ખાન સાથે જોવા મળી રહેલા અર્જુનનું પૂરું નામ અર્જુન પ્રતાપ બાજવા છે. તે એક અભિનેતા અને મોડલ છે. તે ભાજપના નેતા ફતેહ સિંહ બાજવાનો પુત્ર છે. ફતેહ સિંહ બાજવા પંજાબમાં ભાજપાના ઉપાધ્યક્ષ છે. પહેલા તે કોંગ્રેસના ધારાસભ્ય હતા. અર્જુને 'સિંઘ ઈઝ બ્લીંગ' જેવી ફિલ્મોમાં કો-એકટરની ભૂમિકા ભજવી હતી. અર્જુને વર્ષ 2019માં પંજાબ જીલ્લા પરિષદમાં સૌથી ઓછી ઉંમરના સભ્ય તરીકે કોંગ્રેસ પક્ષનું પ્રતિનિધિત્વ કર્યું હતું. 'બેન્ડ ઓફ મહારાજા' ફિલ્મમાં પણ અર્જુન જોવા મળ્યો હતો. અર્જુને લોરેન્સ સ્કુલ, સનાવારથી રાજનીતિ અને કૃષિમાં ડિગ્રી મેળવી હતી. આ સિવાય પંજાબ પોલીસના ઇન્સ્પેકટર (ગ્રૂપ-B)ના પદ માટે પણ અર્જુન પસંદગી પામ્યો હતો. પરંતુ તે જોડાયો નહોતો.