સારા અલી ખાન આગામી ફિલ્મમાં સ્વતંત્રતા સેનાની ઉષા મહેતાની ભૂમિકામા

- કરણ જોહર આ ફિલ્મનું નિર્માણ કરશે અને કન્નન ઐય્યરનું દિગ્દર્શન હશે

મુંબઇ : સારા અલી ખાન રૂપેરી પડદે લોકપ્રિય થઈ ગઈ છે. આગામી ફિલ્મમાં તે સ્વાતંત્ર સેનાની ઉષા મહેતાની ભૂમિકામાં જોવા મળવાની છે. 

કરણ જોહરનાબેનર ધર્માટિક એન્ટરટેઇનમેન્ટ આ ફિલ્મનું નિર્માણ કરવાની છે. ફિલ્મના શિર્ષક એ વતન મેરે વતન પરથી જણાઇ રહ્યું છે કે, આ ફિલ્મના શિર્ષક પરથી જ સ્પષ્ટ થાય છે કે, દેશપ્રેમ પર આધારિત આ ફિલ્મ હશે. 

ઉષા મહેતાના અંગત જીવનની વાત કરીએ, તો તેઓ કટ્ટર ગાંધીવાદી સ્વતંત્રતા સેનાની હતા.તેમણે સ્વતંત્રતા સંગ્રામ દરમિયાન એક સીક્રેટ રેડિયો સર્વિસ શરૂ કરીહતી. જેનું નામ કોંગ્રેસ રેડિયો હતું. ૧૯૪૨ની ભારત છોડો ચળવળ દરમિયાન તેમની આ રેડિયો સર્વિસની આઝાદીના સંઘર્ષમાં બહુ મદદ મળી હતી. આ રેડિયો પરથી બ્રિટીશ સરકારે ભારત પર જે જે પાબંધી મુકી હતી તેના વિશે જાણકારી અને સમચાાર સાંભળવા મળતા હતા. ૧૯૯૮માં ઉષા મહેતાને ભારત સરકારે પદ્મ વિભૂષણથી સમ્માનિત કરવામાં આવ્યા હતા. 

રિપોર્ટના અનુસાર, સારાએ આ ફિલ્મ આ વરસની શરૂઆતમાં જ સાઇન કરી હતી અને હવે ચર્ચા છે કે શૂટિંગ જલદી જ શરૂ કરવામાં આવશે. સારા આ ફિલ્મ માટે છેલ્લા થોડા સમયથી તૈયારી કરી રહી છે. જોકે આ ફિલ્મ વિશે સત્તાવાર ઘોષણા કરવામાં આવી નથી. 

ઉલ્લેખનીય છે કે, સારાએ ૨૦૧૮માં ફિલ્મ કેદારનાથથી બોલીવૂડમાં ડેબ્યુ કર્યું હતું. જેમાં તેણે સુશાંત સિંહ રાજપૂત સાથે જોડી જમાવી હતી. 

વિક્કી કૌશલ સાથેની પણ અન્યએક ફિલ્મમાં સારા જોવા મળવાની છે.