EX હસબન્ડના લગ્નથી દુઃખી છે જાણીતી અભિનેત્રી, કહ્યું - એકલતા દૂર કરવા પાર્ટનરની જરૂર...
Updated: Dec 11th, 2024
Samantha Ruth Prabhu: સાઉથ બ્યુટી સામંથા રૂથ પ્રભુના છેલ્લા કેટલાક વર્ષો ખૂબ જ પીડાદાયક રહ્યા છે. પહેલા તેણે અભિનેતા નાગા ચૈતન્યથી છૂટાછેડા લીધા, પછી તે માયોસિટિસ નામની બીમારીથી પીડિત થઈ. હવે નાગા ચૈતન્યએ પ્રખ્યાત અભિનેત્રી શોભિતા ધુલીપાલા સાથે બીજી વાર લગ્ન કર્યા છે. આ દરમિયાન સામંથાએ સોશિયલ મીડિયા દ્વારા એક રહસ્યમય પોસ્ટ શેર કરી છે જે ઝડપથી વાયરલ થઈ રહી છે.
સિટાડેલ હની બન્ની સ્ટારે થોડા દિવસો પહેલા જ તેના પિતાને ગુમાવ્યા હતા. આ પછી તરત જ તેના પૂર્વ પતિ નાગા ચૈતન્યએ તેની ગર્લફ્રેન્ડ સાથે લગ્ન કર્યા. તેમ છતાં, અભિનેત્રી સોશિયલ મીડિયા દ્વારા સતત પોઝિટિવિટી પોસ્ટ કરી રહી છે.
સામંથાને જરૂર છે વફાદાર સાથીદારની
સામંથા રુથ પ્રભુએ તાજેતરમાં તેની સોશિયલ મીડિયા સ્ટોરીમાં આગામી વર્ષ માટે વૃષભ, કન્યા અને મકર રાશિ માટે આગાહી કરતી એક પોસ્ટ શેર કરી છે. આ લિસ્ટ મુજબ 2025માં આ રાશિના લોકોના જીવનમાં થોડું વ્યસ્ત ટાઈમટેબલ, કાર્યમાં પ્રગતિ, નાણાકીય સ્થિરતા, વફાદાર અને પ્રેમાળ સાથી, મોટા ધ્યેયો પૂરા થશે, શિફ્ટ થવાની તક, પૈસા કમાવવાની બહુવિધ રીતો અને બાળકોની ક્ષમતાનો સમાવેશ થાય છે.
સામંથાની આવી પોસ્ટ ફેન્સનું ધ્યાન ખેંચી રહી છે
આ પોસ્ટ શેર કરતી વખતે, ફેમિલી મેન 2 ફેમ સ્ટારે લખ્યું છે 'AMEN' જેનો અર્થ એ છે કે તે પણ તેના જીવનમાં આ બધી વસ્તુઓ મેળવવા માંગે છે. તેને એક વફાદાર સાથી જોઈએ છે. નાગા ચૈતન્યના બીજા લગ્ન પછી તરત જ સામંથાની આવી પોસ્ટ ફેન્સનું ઘણું ધ્યાન ખેંચી રહી છે.
જાણો સામંથા માટે કેવું રહ્યું વર્ષ 2024
થોડા દિવસો પહેલા, સામંથાએ તેના સોશિયલ મીડિયા હેન્ડલ પર વર્ષ 2024ની ઝલક દર્શાવતી એક પોસ્ટ શેર કરી હતી જેની ખૂબ ચર્ચા થઈ હતી. જેમાં અભિનેત્રીએ લખ્યું હતું કે, 'કેવી રીતે વર્ષ 2024 ઘણા પડકારો લઈને આવ્યું પરંતુ કોઈક રીતે અમે તેને પાર કરી શક્યા અને તેમાં ઘણા ઉતાર-ચઢાવ આવ્યા, પરંતુ અમે તેને એક ચમકતા તારાની જેમ પાર કર્યો.'
